«Týrıster shaǵym túsirgen»: Jetisý oblysynda shoshqa sharýashylyǵy jabyldy

Jetisý oblysy Alakól aýdany Úshbulaq aýyldyq okrýginiń aýmaǵyndaǵy shoshqa sharýashylyǵy týrıster shaǵymynan keıin jabylǵan, dep habarlaıdy qandastar.kz Ekologııa jáne tabıǵı resýrstar mınıstrligine silteme jasap.

Áleýmettik jelilerde júrgizilgen monıtorıng nátıjeleri boıynsha Jetisý oblysy Alakól aýdany Úshbulaq aýyldyq okrýginiń aýmaǵynda shoshqa ósirýmen aınalysatyn «Qaratas» ShQ mańynan jaǵymsyz ıis shyǵatyny jóninde materıaldar jaryq kórdi.

«Beınerolık bıyl 21 sáýirde jarııalanyp, dereý ýákiletti memlekettik organdarmen tıisti jumys júrgizildi. Atap aıtqanda, Jetisý oblysy boıynsha ekologııa departamenti sharalar qabyldaý úshin Alakól aýdanynyń polıııa bólimine hat joldady, tıisinshe tabıǵat qorǵaý polıııasynyń qatysýymen tekserýler júrgizildi. 22 sáýirde sharýa qojalyǵynyń ıesi týrıster úshin ákelingen jabaıy shoshqalardy (ósirý maqsatynda emes) áketken. Anyqtalǵan buzýshylyq tolyǵymen joıyldy.

Sondaı-aq, Jetisý oblysynyń Jer resýrstaryn basqarý departamenti jospardan tys tekserý júrgizdi, onyń nátıjeleri boıynsha jer ýchaskesiniń nysanaly maqsatymen kózdelmegen kúrdeli obektilerdiń qurylysy anyqtaldy.

Sharýashylyq basshysyna qatysty ákimshilik sharalar qabyldanyp, atalmysh buzýshylyqtardy joıý týraly nusqama berildi.

2025 jyldyń shilde aıynda oqıǵa ornyn qosymsha vızýaldy tekserý barysynda shoshqa ósirý jumystary toqtatylǵany belgili boldy, tabıǵı landshaft qalpyna keltirilip, Qarabulaq ózeniniń saǵasynda jaıaý týrısterdiń súıikti serýendeý orny qaıtaryldy», – delingen habarlamada.