Týrızm salasynda qazaq-ózbek yntymaǵy artady

Qazaqstan men О́zbekstan týrızm salasyndaǵy yntymaqtastyqty nyǵaıtpaq nıette. Eki eldiń bul baǵytta áleýeti jetkilikti.

Máselen, jyldar boıy ornyǵyp, qalypqa túsken dástúrli saıahat týrlary bar. Odan bólek, qos memleket gastronomııalyq týrızm men taý-shańǵy sporty salasyn birlesip damytýǵa kúsh salmaq.  Osy maqsatta elder arasynda tyń tájirıbe almasý isi bastalyp ketti. Raýan Myńbaev, tilshi: – О́zbekstannyń ortalyq bóliginde ornalasqan shaǵyn ǵana Shahrısabz sheteldik ǵana emes, jergilikti jurt úshin de týrıstik turǵyda keń tanyla qoımaǵan shahar. Degenmen kóne tarıhqa baı. Munda áıgili Ámir-Temir dúnıege kelgen. Ol bılik qurǵan jyldardaǵy rezıdenııa áli saqtaýly.

Qabyrǵasy sonaý ushar bıikten kórinedi. Ejelgi temir áýletine tıesili sáýlettik úlgisi de baıqalady.  Al bıleýshiniń alyp eskertkishine kelsek, onyń jóni tipti bólek. El boıynsha mundaı iri sáýlet týyndysynyń úsh túri bar. Tashkent, Samarqan jáne Shahrısabzda. Áýelgi eki eskertkishte Ámir-Temirdiń at ústinde jáne taqta otyrǵany, sońǵysynda tikesinen túk turǵany beınelengen. Sergeı Znamenskıı, saıahatshy: – О́zbekstanǵa týrıstik maqsatta keldim. Birneshe tarıhı qalada boldym.

Bári unap jatyr. Hıýa, Buqara, Samarqan, endi mine Shahrısabzǵa taban tiredim. О́zderińiz kórip turǵandaı, saparym sátti desem de bolady. Áp-sátte gastronomııalyq sharanyń qonaǵyna aınaldym. Saıahatshylarǵa unaıtyn negizgi erekshelik te osy. Materıaldyq mura nysandarynan bólek, jergiliktiń jurttyń dástúr-salty men tynys-tirshiligi qyzyq. О́zbekstan osy saladaǵy erekshelikterin eskerip, syrttan kóbirek meıman tartýdyń jolyn qarastyryp jatyr. Shahrısabz shaǵyn qala bolǵanymen, týrıster sany ósip keledi. «Máselen, byltyr Qazaqstannan 20 myń saıahatshy keldi», – jergilikti ákimdik. Ýmıd Shadıev, О́zbekstan týrızm komıtetiniń tóraǵasy: – «Shymkent-Tashkent-Samarqan» bastalatyn týrıstik baǵyt óte tanymal bolyp tur. Qazaqstandyq saıahatshylar О́zbekstanǵa jıi at basyn burady.

Bizdiń de týrısterimiz Almatynyń Shymbulaq tań shańǵy demalys aımaǵy jáne Qazaqstannyń basqa da óńirlerine barýdy jón sanaıdy. Endi biz eki eldiń taý-shańǵy týrızmi salasyndaǵy baılanysty da  odan ári nyǵaıtýǵa kirisip jatyr. Aıta keteıik, Ekonomıkalyq yntymaqtastyq uıymy elderiniń týrızm astanasy mártebesi bıyl Irannyń Ardebıl qalasynan Shahrısabzǵa aýysty. Soǵan saı, shahar ákimshiligi Qazaqstan, Iran, Ázerbaıjan, Qyrǵyzstan, О́zbekstan syndy el ókilderiniń basyn qosyp, arnaıy forým uıymdastyrdy. Baǵdarlama aıasynda áýeli aspazdar baıqaýy ótti. Onda elimizdiń dástúrli taǵamdary men sýsyndary tanystyryldy.  Shamshat Qurmanálıeva, kásipker: – Maǵan týrızm basqarmasynan usynys tústi. Bizde et aspaıtyn qazaq joq qoı. Mynanyń bárin óz qolymmen daıyndap shyqtym. Biraz adamdarǵa dámin kórsetken edik, tańqalyp jatyr. Venera Tabys, jetigenshi, «Qazaqkonert» uıymynyń jeke oryndaýshysy: – Shahrısabz qalasyna ulttyq ónerimiz Jetigen ónerin alyp keldim. Kóptegen elden kelgen qonaqtarǵa óner kórsetýge keldik.
Endi bul qalaǵa alǵash kelýim. Erekshe áserde boldym. Forým alańynda qazaqstandyq tarap týrıstik sala áleýetin odan ári damytýǵa qajetti usynystaryn talqylady. Kóne qalalar men mádenı mura nysandaryn keń nasıhattaý baǵytynda tájirıbe almasty.