تۋريزم جانە سپورت مينيسترلىگىندە كادرلىق وزگەرىس ورىن الدى

فوتو: تۋريزم جانە سپورت مينيسترلىگى

يسلام ىلياس ۇلى بايرامۋكوۆ سپورت ومبۋدسمەنى – قازاقستان رەسپۋبليكاسى تۋريزم جانە سپورت ءمينيسترىنىڭ شتاتتان تىس كەڭەسشىسى قىزمەتىنە تاعايىندالدى, – دەپ حابارلايدى qandastar.kz

يسلام بايرامۋكوۆ – قازاق ەركىن كۇرەسشىسى, قازاقستان رەسپۋبليكاسىنىڭ ەڭبەك سىڭىرگەن سپورت شەبەرى, 2000 جىلى سيدنەيدە وتكەن وليمپيادانىڭ كۇمىس جۇلدەگەرى.

1971 جىلى جامبىل وبلىسى, كامەنكا اۋىلىندا دۇنيەگە كەلگەن.

رەسپۋبليكالىق وليمپيادالىق رەزەرۆ ۋچيليششەسىن (1989); قازاق مەملەكەتتىك دەنە شىنىقتىرۋ ينستيتۋتىن (1993), دەنە شىنىقتىرۋ جانە سپورت مۇعالىمى (1993) بويىنشا بىتىرگەن.

1993 جىلدان 2004 جىلعا دەيىن – رگكپ «ۇلتتىق قۇرامالار جانە سپورتتىق رەزەرۆ ديرەكتسياسى» سپورتشى-نۇسقاۋشىسى.

سونداي-اق ءال-فارابي اتىنداعى قازاق ۇلتتىق ۋنيۆەرسيتەتىن قۇقىقتانۋ ماماندىعى بويىنشا (2003), ماسكەۋ الەۋمەتتىك-گۋمانيتارلىق ۋنيۆەرسيتەتىن (قارجى جانە ەكونوميكا) (2005) بىتىرگەن.