تۇركى مەملەكەتتەرى ۇيىمىنىڭ بەيرەسمي ءسامميتى: توقاەۆتى ازەربايجان پرەزيدەنتى قارسى الدى

2024 جىلى 6 شىلدەدە جۇمىس ساپارى بارىسىندا مەملەكەت باسشىسى قاسىم-جومارت توقاەۆ ازەربايجان رەسپۋبليكاسى پرەزيدەنتىنىڭ شۋشا اۋدانىنداعى ارناۋلى وكىلدىگىنىڭ عيماراتىنا باردى, دەپ حابارلايدى Zakon.kz.

اقوردانىڭ حابارلاۋىنشا, قاسىم-جومارت توقاەۆتى ازەربايجان پرەزيدەنتى يلحام اليەۆ قارسى الدى.

سالدەن كەيىن تۇركى مەملەكەتتەرى ۇيىمىنىڭ بەيرەسمي ءسامميتى باستالادى. سامميت «كولىك, كوممۋنيكاتسيا جانە كليماتتىق وزگەرىستەردى باقىلاۋ ارقىلى باياندى بولاشاق قۇرۋ» تاقىرىبىندا وتەدى.

ايتا كەتسەك, 2024 جىلى 6 شىلدەدە پرەزيدەنت قاسىم-جومارت توقاەۆ تۇركى مەملەكەتتەرى ۇيىمىنىڭ بەيرەسمي سامميتىنە قاتىسۋ ءۇشىن ازەربايجان رەسپۋبليكاسىنا جۇمىس ساپارىمەن بارعانى حابارلانعان. مەملەكەت باسشىسىن فيزۋلي قالاسىنىڭ اۋەجايىندا ازەربايجان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى ياگۋب ابدۋللا وعلى ەيۋبوۆ قارسى الدى.