جاڭالىقتار
تۇركىستان وبلىسىندا 1 ملن تەڭگە بوپسالاعان بلوگەر ۇستالدى
فوتو: اشىق دەرەككوز
تۇركىستان وبلىسىندا 1 ملن تەڭگە بوپسالاعان بلوگەر ۇستالدى, دەپ حابارلايدى qandastar.kz POLISIA.KZ-كە سىلتەپ.
تەرگەۋ مالىمەتتەرى بويىنشا, سارىاعاش اۋدانىنىڭ 34 جاستاعى تۇرعىنى مەكتەپتەردە ءبىلىم بەرۋ جوباسىن جۇزەگە اسىرۋعا كەدەرگى كەلتىرەمىن دەپ قورقىتىپ, ۇيىمداستىرۋشىلاردان 1 ملن تەڭگە تالاپ ەتكەن. تەكسەرۋ كەزىندە ۇستالعان ادامنان قاراجات اۋدارىلعان سوماسى بار بانك كارتاسى مەن ءجۋرناليستىڭ قىزمەتتىك كۋالىگى تابىلدى.
كۇدىكتى وڭىردە بلوگەر رەتىندە تانىمال, الەۋمەتتىك مەديا پاراقتارىن بەلسەندى جۇرگىزەدى.
بوپسالاۋ فاكتىسى بويىنشا قىلمىستىق ءىس قوزعالدى, تەرگەۋ امالدارى جۇرگىزىلىپ جاتىر.
