Túrkistan oblysynda bir aýyldy polıııa kúzetip tur: ákimdik ókilderi jaǵdaıǵa qatysty túsinik berdi

Foto: nur.kz

Túrkistan oblysy Saryaǵash aýdany Jibek joly aýylynda áleýmettik jeli arqyly jastar arasynda 11-synyp oqýshysy «14 jasar qyzdy zorlamaq boldy» degen sybys taraǵan.

Aýyl turǵyndarynyń sózinshe, sodan keıin ashýly top kúdiktini izdep, onyń jáne týystarynyń úıine basyp kirmek bolǵan. Polıııa oqıǵaǵa baılanysty qylmystyq is qozǵady, dep habarlaıdy KAZ.NUR.KZ tilshisi. Túrkistan oblysy Saryaǵash aýdany Jibek joly aýyly úsh kún boıy baılanys pen ınternetsiz qaldy.

14 shildeden 15 shildege qaraǵan túni aýylda dúrbeleń bolǵan. Bul týraly aýyl turǵyndary aıtty. Sózinshe, aýylda jastar arasynda 11-synyp oqýshysy 9-synyp oqıtyn qyzdy zorlamaq boldy degen sybys taraǵan, keıin ashýly top kúdiktini izdep, úıine jáne týysynyń úıine tas atyp, «shabýyl jasaǵan». Aýyl turǵyndarynyń sózine qaraǵanda oqıǵadan birneshe adam zardap shekken, eki úıge zaqym kelgen.

Portal tilshisi oqıǵa ornyna bardy. 19 shildedegi jaǵdaı boıynsha aýylda ár kósheden polıııany kezdestirýge bolady jáne aýylǵa kire beriste qarý asynǵan tártip saqshylary júr. Zaqym kelgen úıden tas tıip shaǵylǵan esik áınekterin baıqaýǵa bolady. Aýyl halqy úreı áli seıilmegenin aıtady.

Jibek joly aýylyndaǵy oqıǵa týraly ákimdik ókilderi pikir bildirdi. Jergilikti bılik málimetinshe, taraptar túsinispeýshiligi 15 mınýtta sheshilgen. Qazir quzyrly organ ókilderi jan-jaqty baqylap júr degen jaýaptylar dúrbeleńde birde-bir adam zardap shekpegenin aıtty. «Jibek joly aýyldyq okrýginde jastar tarapynan túsinbeýshilik bolǵan. Jastar arasynda áleýmettik jelide 14 jastaǵy qyzdy zorlamaqshy boldy degen aqparat taraǵan. Sodan keıin jastar dúrbeleńge túsken. Degenmen aýyl úlkenderi der kezinde aldyn alyp, keleńsiz oqıǵa bolǵan joq. Qylmystyq is qozǵaldy. Jalǵan aqparat taratý boıynsha birneshe azamat tergelip jatyr», – deıdi Saryaǵash aýdany ákiminiń orynbasary Aldııar Qozybaev.

Saryaǵash aýdandyq sotynyń málimetinshe, «Zorlaý», «Qylmysqa oqtalý» kúdigimen 16 jastaǵy jasóspirim qamalǵan. Odan bólek, «Buzaqylyq» babymen 19 jastaǵy jigit qamaýǵa alynǵan. Sot ol ekeýin 10 kúnge qamaýǵa sankııa bergen. Úıine zaqym kelgen otbasy portal tilshisine suqbat berýden bas tartty. Olar qaýipsizdigine alańdaıtynyn aıtty. Aıta keteıik, О́zbekstanmen shekaralas jatqan Saryaǵash aýdany Jibek joly aýylynda 17 ulttyń ókili turady. Al halqynyń sany 11 myńnan asady. Turǵyndar negizinen saýda-sattyqpen aınalysady.