تۇركىستان وبلىسىندا ينفەكتسيالىق اۋرۋ تارالىپ جاتىر

فوتو: Orda.kz

ۇركىستان وبلىسىنىڭ كوكساراي اۋىلىندا لەيشمانيوز دەپ اتالاتىن جۇقپالى اۋرۋ تارالۋدا, دەپ حابارلايدى qandastar.kz Orda.kz-كە سىلتەمە جاساپ.

كوكساراي اۋىلىنىڭ تۇرعىندارى جۇقپالى اۋرۋدىڭ ورشۋىنە قاتىستى دابىل قاعۋدا, ولار تارالۋدى اۋىل ماڭىندا ورنالاسقان ۋران وندىرەتىن كاسىپورىنمەن بايلانىستىرادى.

ەكولوگتار 600 شارشى مەتر اۋماققا كۇكىرت قىشقىلىنىڭ توگىلۋ فاكتىسىن راستادى. ماماندار مۇنى ەكولوگيالىق زاڭنامانى ورەسكەل بۇزۋ دەپ سانايدى.

«دەپارتامەنت ەكولوگيالىق زياندى جويۋ باعدارلاماسىن ازىرلەۋدە. سونداي-اق, بارلىق جەرلەردى تولىعىمەن تازالاپ, قالپىنا كەلتىرۋدى تالاپ ەتتى», — دەدى تۇركىستان وبلىسى بويىنشا باس ەكولوگيالىق ينسپەكتور نۇرجان نۇربولات ۇلى.

اۋرۋ ماسا شاعۋىنا ۇقسايتىن, كىشكەنتاي جانە قىزىل جارادان باستالادى. كەيىننەن ءىرىڭ پايدا بولىپ, اۋىرادى.

لەيشمانيوز قاۋىپتى اۋرۋ بولىپ سانالادى. بۇل لەيشمانيا تەكتەس پارازيتتەردەن تۋىندايتىن ينفەكتسيالىق اۋرۋ, ول وسى ينفەكتسيانى جۇقتىرعان ماسانىڭ شاعۋى ارقىلى بەرىلەدى. لەيشمانيوز تەرىنى, شىرىشتى قابىقتاردى نەمەسە ىشكى اعزالاردى زاقىمداۋى مۇمكىن (ۆيستسەرالدى لەيشمانيوز). سوڭعى ءتۇرى اسا قاۋىپتى جانە دەر كەزىندە ەمدەلمەسە, ولىمگە اكەلۋى مۇمكىن.