Túrkistan oblysynda ınfekııalyq aýrý taralyp jatyr

Foto: Orda.kz

úrkistan oblysynyń Kóksaraı aýylynda leıshmanıoz dep atalatyn juqpaly aýrý taralýda, dep habarlaıdy qandastar.kz Orda.kz-ke silteme jasap.

Kóksaraı aýylynyń turǵyndary juqpaly aýrýdyń órshýine qatysty dabyl qaǵýda, olar taralýdy aýyl mańynda ornalasqan ýran óndiretin kásiporynmen baılanystyrady.

Ekologtar 600 sharshy metr aýmaqqa kúkirt qyshqylynyń tógilý faktisin rastady. Mamandar muny ekologııalyq zańnamany óreskel buzý dep sanaıdy.

«Departament ekologııalyq zııandy joıý baǵdarlamasyn ázirleýde. Sondaı-aq, barlyq jerlerdi tolyǵymen tazalap, qalpyna keltirýdi talap etti», — dedi Túrkistan oblysy boıynsha bas ekologııalyq ınspektor Nurjan Nurbolatuly.

Aýrý masa shaǵýyna uqsaıtyn, kishkentaı jáne qyzyl jaradan bastalady. Keıinnen iriń paıda bolyp, aýyrady.

Leıshmanıoz qaýipti aýrý bolyp sanalady. Bul leıshmanııa tektes parazıtterden týyndaıtyn ınfekııalyq aýrý, ol osy ınfekııany juqtyrǵan masanyń shaǵýy arqyly beriledi. Leıshmanıoz terini, shyryshty qabyqtardy nemese ishki aǵzalardy zaqymdaýy múmkin (vıseraldy leıshmanıoz). Sońǵy túri asa qaýipti jáne der kezinde emdelmese, ólimge ákelýi múmkin.