Túrkistan oblysynda toı kortejin uıymdastyrǵandar jaýapqa tartyldy

Túrkistan oblysynda toı kortejin uıymdastyrǵan júrgizýshiler jaýapqa tartyldy, dep habarlaıdy Qandastar.kz

Áleýmettik jelilerge monıtorıng júrgizý barysynda polıııa Túrkistan oblysyndaǵy birneshe avtokólik júrgizýshileriniń jol qozǵalysy erejelerin óreskel buzǵany týraly beınejazbany anyqtady.

Tekserý kezinde anyqtalǵany, oqıǵa Saýran  aýdanynda qyz uzatý toıy kezinde bolǵan. Mercedes-benz, Toyotar jáne Nexia 5 avtokóliktiń júrgizýshileri anyqtaldy. Kórsetilgen kólik quraldary aıypturaǵyna qoıyldy.

Quqyq buzýshylar avarııalyq jaǵdaı jasaǵany, jolaýshylardy tasymaldaý jónindegi talaptardy saqtamaǵany, kólikti memlekettik tirkeý nómirlerinsiz basqarǵany, manevr jasaý erejelerin buzǵany, sondaı-aq kólik quraldaryna zaqym keltirgeni úshin jaýapkershilikke tartyldy.

Polıııa zań barshaǵa ortaq ekenin eskertedi jáne júrgizýshiler men basqa jol qozǵalysyna qatysýshylardy jol erejelerin qatań saqtaýǵa shaqyrady. Esińizde bolsyn, jol qatelikti keshirmeıdi.