Túrkistan oblysynda túrme ofıerin úsh bastyǵy uryp-soqqan

Foto: ashyq derekkóz

Túrkistan oblysyndaǵy №55 túzeý mekemesiniń burynǵy qyzmetkeri ádildik suraıdy. Maıor Darhan Tólegenovtyń aıtýynsha, ózin túrme basshysy uryp-soǵyp, jumystan májbúrlep shyǵarǵan, dep habarlaıdy qandastar.kz 31 arnaǵa silteme jasap.

Ishki ister organynda 15 jyldan asa tájirıbesi bar azamat ózge de zańsyzdyqtardy aıtyp bergen. Sonyń saldarynan ol túzeý mekemesinde jarty jyl ǵana jumys istegen. О́zin túrmeniń 3 basshysy kabınetke kirgizip, soqqyǵa jyqty dep otyr. Tipti, olar oryndyqpen uryp, negizsiz jala japqan.

Qyzmet bólmesine kirgizip alyp, «Mekemege esirtki kirgizbek boldyń», «sottalǵanǵa uıaly telefon kirgizbek boldyń» dep jalǵan aıyptady. Sol jerde meni uryp, moınymnan qylqyndyryp, májbúrli túrde baıanat jazdyryp aldy, – deıdi Darhan Tólegenov.

Ol polıeılerdi shaqyrsa da olar ofıerlerge esh shara qoldanbaǵan. Degenmen bul jaıttan keıin túzeý mekemesinde tekseris júrgizilgen. Shymkent qalasy jáne Túrkistan oblysy boıynsha QAJD-nyń bólim bastyǵy Qarlyǵash Quralbaeva múlde zańbuzýshylyq anyqtalmaǵanyn aıtady.

№55 túzeý mekemesinde sottalǵandarmen zańsyz qarym-qatynas jasaǵandar deregi boıynsha qyzmettik tekseris júrgizilip, qorytyndysyna sáıkes teris qylyqtar anyqtalmady. Al basshylaryna qatysty prokýratýramen birge qyzmettik tekseris júrgizilip, qorytyndysyna saı dálelin tappaýyna baılanysty, tekseris toqtatyldy, – dedi Qarlyǵash Quralbaeva.

Maıor Darhan Tólegenov endi Ishki ister mınıstrligine shaǵym túsirmek. Onyń aıtýynsha, barlyq jaıt beınebaqylaý kamerasynda jazýly tur.