جاڭالىقتار
تۇركىستان وبلىسىندا جۇك ۆاگوندارى رەلستەن شىعىپ كەتتى: اپات سالدارىنان كەشىككەن ون پويىزدىڭ جولاۋشىلارى وتەماقى الادى
فوتو: hi-tech.mail.ru
تۇلكىباس اۋدانىندا جۇك پويىزىنىڭ 5 ۆاگونى رەلستەن شىعىپ, اۋدارىلىپ قالدى. بۇل تۋرالى Stan.kz اقپارات اگەنتتىگى وtyrar.kz سايتىنا سىلتەمە جاساپ حابارلايدى.
وقيعا كۋاگەرلەرى تۇسىرگەن ۆيدەودان جۇك پويىزىنىڭ 5 ۆاگونى اۋدارىلىپ جاتقانىن كورۋگە بولادى.
“25 ماۋسىم كۇنى ساعات 19:20-دا تۇلكىباس – ارىس ۋچاسكەسىندە مەڭلىباي – كوكتەرەك ۋچاسكەسىنىڭ كۇردەلى قيسىق ۋچاسكەسىندە جۇك پويىزى رەلستەن شىعىپ كەتتى”, – دەپ قتج بولعان جاعدايعا قاتىستى پىكىر ءبىلدىردى.
كەشىككەن پويىزداردىڭ جولاۋشىلارىنا وتەماقى تولەنبەك. سونداي-اق ولار اۋىز سۋمەن جانە تاماقپەن قامتاماسىز ەتىلەتىن بولدى.
“تۇركىستان وبلىسىندا جۇك پويىزى ۆاگوندارىنىڭ رەلستەن شىعىپ كەتۋىنە بايلانىستى جولاۋشىلار پويىزدارى كەشىگۋى مۇمكىن”, – دەپ ەسكەرتتى «جولاۋشىلار تاسىمالى» اق ءباسپاسوز قىزمەتى.
ساعات 21:00-دەگى اقپارات بويىنشا:
- №21 «سەمەي-قىزىلوردا»
- № 203 «استانا-شىمكەنت»
- №22 «قىزىلوردا-سەمەي»
- №46 «تۇركىستان-پاۆلودار»
- №24 «اقتوبە-الماتى»
- №55 «كوكشەتاۋ-قىزىلوردا»
- №87 «الماتى-سارىاعاش»
- №78 «ماڭعىستاۋ-الماتى»
- №30 «اتىراۋ-الماتى
- No34 «اقتوبە-الماتى»
جوسپار بويىنشا, 26 ماۋسىم كۇنى تاڭعى ساعات 04:00-دە پويىز قوزعالىسى قايتا جاندانعان.
“كومپانيا قولايسىزدىقتار ءۇشىن جولاۋشىلاردان كەشىرىم سۇرايدى. سونداي-اق جولاۋشىلاردى, باگاجدى, جۇك-باگاجدى جانە پوشتا جونەلتىلىمدەرىن تەمىرجول كولىگىمەن تاسىمالداۋ ەرەجەلەرىنە سايكەس جولاۋشىلارعا كەشىكتىرىلگەن ءاربىر تولىق ساعات ءۇشىن 3% مولشەرىندە وتەماقى تولەنەتىنىن حابارلايدى. بىراق وتەماقى مولشەرى جول ءجۇرۋ قۇنىنان اسپايدى», – دەلىنگەن رەسمي حابارلامادا.
رەلستەن شىعىپ كەتكەن جەردە شىمكەنت, ارىس جانە تاراز ستانتسيالارىنىڭ قالپىنا كەلتىرۋ پويىزدارى جۇمىس ىستەپ جاتىر. پويىز ۆاگوندارىنىڭ رەلستەن شىعۋىنا جەكە ۆاگوننىڭ دوڭگەلەك جۇبى وسىنىڭ سىنۋى سەبەپ بولعان.
