تۇركىستان وبلىسىنىڭ باسشىسى ازىمبەك پازىلبەك ۇلى قالا اكىمى قىزمەتىنە اۋىستى

فوتو: gov.kz

تۇركىستان وبلىسىنىڭ اكىمى دارحان ساتىبالدى ازىمبەك پازىلبەك ۇلىنىڭ قالا اكىمى بولىپ تاعايىندالۋ سەبەبىن ءتۇسىندىردى, دەپ جازادى qandastar.kz

«پازىلبەك ۇلىن بۇل قىزمەتكە ولاردىڭ تۋىسى بولعاندىقتان شاقىرمادىق. شىنىمدى ايتسام, ساپارباەۆ-نالىباەۆتار اۋلەتىنىڭ تۋىسى ەكەنىن دە بىلمەدىم. تەگى باسقا بولدى. بىز ىزدەگەن كەزدە لاۋازىمعا ساي ازاماتتى ىزدەدىك. سەبەبى تۇركىستان قالاسىندا ينفراقۇرىلىم, تۇرعىن ءۇي, ەلەكترلەندىرۋ جانە كارىز جۇيەلەرىندە بىرقاتار ماسەلەلەر بار. جوبالار جەتەرلىك, بىراق 10%-ى عانا قارجىلىق قولداۋ تابادى. قارجى رەسپۋبليكالىق بيۋدجەتتەن بولىنەدى. سوندىقتان بىزگە ورتالىق مەملەكەتتىك ورگاندارمەن جۇمىس جاساۋدى بىلەتىن ادام كەرەك بولدى. ازىمبەك پازىلبەك ۇلى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىندە 10 جىلدان استام جۇمىس ىستەگەن. ال وسى كوميتەتتى ءبىر جىلعا جۋىق باسقاردى”, – دەدى وبلىس اكىمى.

دارحان ساتىبالدى جاڭادان تاعايىندالعان اكىمنىڭ وبلىسقا, قالاعا پايداسىن تيگىزەتىنىنە سەنىم ءبىلدىردى.