Túrkistan oblysynyń basshysy Ázimbek Pazylbekuly qala ákimi qyzmetine aýysty

Foto: gov.kz

Túrkistan oblysynyń ákimi Darhan Satybaldy Ázimbek Pazylbekulynyń qala ákimi bolyp taǵaıyndalý sebebin túsindirdi, dep jazady qandastar.kz

«Pazylbekulyn bul qyzmetke olardyń týysy bolǵandyqtan shaqyrmadyq. Shynymdy aıtsam, Saparbaev-Nálibaevtar áýletiniń týysy ekenin de bilmedim. Tegi basqa boldy. Biz izdegen kezde laýazymǵa saı azamatty izdedik. Sebebi Túrkistan qalasynda ınfraqurylym, turǵyn úı, elektrlendirý jáne káriz júıelerinde birqatar máseleler bar. Jobalar jeterlik, biraq 10%-y ǵana qarjylyq qoldaý tabady. Qarjy respýblıkalyq bıýdjetten bólinedi. Sondyqtan bizge ortalyq memlekettik organdarmen jumys jasaýdy biletin adam kerek boldy. Ázimbek Pazylbekuly Qurylys jáne turǵyn úı-kommýnaldyq sharýashylyq isteri komıtetinde 10 jyldan astam jumys istegen. Al osy komıtetti bir jylǵa jýyq basqardy”, – dedi oblys ákimi.

Darhan Satybaldy jańadan taǵaıyndalǵan ákimniń oblysqa, qalaǵa paıdasyn tıgizetinine senim bildirdi.