تۇركىستاندا 2 بالاسىن ولتىرگەن مۇعالىمنىڭ اقىل-ەسى دۇرىس بولىپ شىقتى

فوتو: don24.ru

تۇركىستاندا 2 جانە 4 جاسار بالاسىن تۇنشىقتىرىپ ولتىرگەن ايەلگە سوت ۇكىمى شىقتى. ايەلدىڭ ادۆوكاتى ادام شوشىرلىق دەرەك ايتتى, دەپ حابارلايدى inbusiness.kz سايتى.

31 جاستاعى ايەل سوت كەزىندە ءوز كىناسىن مويىنداعان. سونداي-اق جازاسىن جەڭىلدەتۋدى سۇراعان.

اقپاراتقا سۇيەنسەك, سۋديانىڭ ايتۋىنشا قىلمىس ءموتيۆى — كۇيەۋىمەن بولعان جانجال. 15 كۇن باسقا قالادا جۇمىس ىستەپ, 15 كۇن دەمالاتىن كۇيەۋى ۇيىنە مۇلدە كەلمەگەسىن ارادا جانجال تۋعان. سوتتالۋشى قىلمىستى الدىن الا جوسپارلاپ جاساعان.

“بوتا حاميتقىزى قىلمىستى الدىن الا جوسپارلاپ جاساعان. الدىمەن 4 جاسار قىزىن, سوسىن 2 جاسار ۇلىن تۇنشىقتىرىپ ولتىرگەن كەلىنشەك سوڭىندا باستاپقى سوزىنەن اينىپ كەتتى. ەسىندە ەشتەڭە قالماعانىن ايتىپ, جاۋاپقا سەلقوس قاراعان ايەل سوتى القابيلەر قاتىسۋىمەن ءوتتى. جانە ولار جازا مەرزىمىنىڭ 15 جىل بولۋىنا داۋىس بەردى”, — دەيدى تۇركىستان وبلىستىق قىلمىستىق ىستەپ جونىندەگى اۋدانارالىق سوتىنىڭ سۋدياسى داۋرەن ماداليەۆ.

بوتا حاميتقىزىنىڭ ادۆوكاتى سوتتالۋشىنىڭ پسيحيكالىق اۋىتقۋى بار ەكەنىنە سەنىمدى. قازاقشالاپ ايتقاندا “ىشىنە جىن كىرگەن” دەگەن زاڭگەر مۇعالىمنىڭ بەرگەن جاۋاپتارى ءسات سايىن قۇبىلىپ وتىرعانىن ايتادى. جانە بۇعان دەيىن ءبىر ايعا ۇيىنەن شىعىپ كەتەتىن كەزدەرى دە بولعان ەكەن.

ء“وز جاۋابىندا قورعاۋىمداعى ازامات قۇلاعىنا بىرەۋلەردىڭ ء“ول, ءولتىر” دەپ سىبىرلاعانىن ايتتى. جانە كوزىنە ۇنەمى ەلەس كورىنەتىنىن جەتكىزدى. بالالارى دا قۇبىجىق بولىپ ەلەستەگەن دەيدى. ءبىز ۇكىممەن كەلىسپەيمىز. اپەللياتسياعا بەرەمىز”, — دەيدى ايناگۇل رۇستەموۆا.

سوتتاعى پسيحيكالىق ساراپتاما 31 جاستاعى كەلىنشەكتىڭ اقىل-ەسى دۇرىس دەگەن شەشىمگە كەلگەن. جانە قىلمىستى جاساعان ۋاقىتىندا دا ەشقانداي اففەكت جاعدايىندا بولماپتى.