Túrkistanda 2 balasyn óltirgen muǵalimniń aqyl-esi durys bolyp shyqty

Foto: don24.ru

Túrkistanda 2 jáne 4 jasar balasyn tunshyqtyryp óltirgen áıelge sot úkimi shyqty. Áıeldiń advokaty adam shoshyrlyq derek aıtty, dep habarlaıdy inbusiness.kz saıty.

31 jastaǵy áıel sot kezinde óz kinásin moıyndaǵan. Sondaı-aq jazasyn jeńildetýdi suraǵan.

Aqparatqa súıensek, sýdıanyń aıtýynsha qylmys motıvi — kúıeýimen bolǵan janjal. 15 kún basqa qalada jumys istep, 15 kún demalatyn kúıeýi úıine múlde kelmegesin arada janjal týǵan. Sottalýshy qylmysty aldyn ala josparlap jasaǵan.

“Bota Hamıtqyzy qylmysty aldyn ala josparlap jasaǵan. Aldymen 4 jasar qyzyn, sosyn 2 jasar ulyn tunshyqtyryp óltirgen kelinshek sońynda bastapqy sózinen aınyp ketti. Esinde eshteńe qalmaǵanyn aıtyp, jaýapqa selqos qaraǵan áıel soty alqabıler qatysýymen ótti. Jáne olar jaza merziminiń 15 jyl bolýyna daýys berdi”, — deıdi Túrkistan oblystyq qylmystyq istep jónindegi aýdanaralyq sotynyń sýdıasy Dáýren Madalıev.

Bota Hamıtqyzynyń advokaty sottalýshynyń psıhıkalyq aýytqýy bar ekenine senimdi. Qazaqshalap aıtqanda “ishine jyn kirgen” degen zańger muǵalimniń bergen jaýaptary sát saıyn qubylyp otyrǵanyn aıtady. Jáne buǵan deıin bir aıǵa úıinen shyǵyp ketetin kezderi de bolǵan eken.

“О́z jaýabynda qorǵaýymdaǵy azamat qulaǵyna bireýlerdiń “ól, óltir” dep sybyrlaǵanyn aıtty. Jáne kózine únemi eles kórinetinin jetkizdi. Balalary da qubyjyq bolyp elestegen deıdi. Biz úkimmen kelispeımiz. Apellıaııaǵa beremiz”, — deıdi Aınagúl Rústemova.

Sottaǵy psıhıkalyq saraptama 31 jastaǵy kelinshektiń aqyl-esi durys degen sheshimge kelgen. Jáne qylmysty jasaǵan ýaqytynda da eshqandaı affekt jaǵdaıynda bolmapty.