تۇركىستاندا اناسى مەن 16 جاستاعى قىزىن اياۋسىز ولتىرگەن بۇرىنعى مەكتەپ مۇعالىمى سوتتالدى

فوتو: اشىق دەرەككوز

12 قىركۇيەك كۇنى تۇركىستان وبلىسى كەلەس اۋدانىندا بولعان جانتۇرشىگەرلىك وقيعاعا نۇكتە قويىلدى. اناسى مەن ونىڭ 16 جاستاعى قىزىنىڭ ولىمىنە بۇرىنعى مۇعالىم كىنالى ەكەنى انىقتالدى. 29 جاستاعى ازامات جازاسىن ءومىرىنىڭ سوڭىنا دەيىن تەمىر توردا وتەيدى, دەپ جازدى qandastar.kz

“احانوۆ اباي اسحات ۇلىنا ءومىر بويىنا باس بوستاندىعىنان ايىرۋ جازاسى تاعايىندالسىن. جازاسىن وتەۋ مەرزىمى 12 قىركۇيەك 2024 جىلدان باستاپ ەسەپتەلسىن”, – دەلىنگەن سوتتىڭ شەشىمىندە.

“بۇگىن سوتتىڭ سوڭعى وتىرىسى بولدى. بۇعان دەيىن كوپتەگەن قيىندىقتار بولدى. ءادىل شەشىم دەپ ەسەپتەيمىن. قىلمىسكەر ءومىر بويىنى باس بوستاندىعىنان ايىرىلدى. بىزگە كومەكتەسكەندەردىڭ بارلىعىنا العىس ايتامىن”, – دەيدى مارقۇمداردىڭ تۋىسى ايقديدار توعامباەۆا.

سوت ۇكىمى ءالى زاڭدى كۇشىنە ەنگەن جوق.

“سوت القابيلەردىڭ قاتىسۋىمەن ءوتتى. قازىرگە سوت ۇكىمى زاڭدى كۇشىنە ەنبەدى. سوت تاراپىنان ءبىزدىڭ تالاپ ارىزىمىز تولىعىمەن قاناعاتتاندىرىلدى. قىلمىسكەر ءومىر بويىنا باس بوستاندىعىنان ايىرىلدى. 50 ميلليون تەڭگە ماتەريالدىق شىعىن وتەلەتىن بولادى”, – دەپ مالىمدەدى زارداپ شەگۋشى تاراپتىڭ ادۆوكاتى.