Túrkistanda anasy men 16 jastaǵy qyzyn aıaýsyz óltirgen burynǵy mektep muǵalimi sottaldy

Foto: ashyq derekkóz

12 qyrkúıek kúni Túrkistan oblysy Keles aýdanynda bolǵan jantúrshigerlik oqıǵaǵa núkte qoıyldy. Anasy men onyń 16 jastaǵy qyzynyń ólimine burynǵy muǵalim kináli ekeni anyqtaldy. 29 jastaǵy azamat jazasyn ómiriniń sońyna deıin temir torda óteıdi, dep jazdy qandastar.kz

“Ahanov Abaı Ashatulyna ómir boıyna bas bostandyǵynan aıyrý jazasy taǵaıyndalsyn. Jazasyn óteý merzimi 12 qyrkúıek 2024 jyldan bastap eseptelsin”, – delingen sottyń sheshiminde.

“Búgin sottyń sońǵy otyrysy boldy. Buǵan deıin kóptegen qıyndyqtar boldy. Ádil sheshim dep esepteımin. Qylmysker ómir boıyny bas bostandyǵynan aıyryldy. Bizge kómekteskenderdiń barlyǵyna alǵys aıtamyn”, – deıdi marqumdardyń týysy Aıqdıdar Toǵambaeva.

Sot úkimi áli zańdy kúshine engen joq.

“Sot alqabılerdiń qatysýymen ótti. Qazirge sot úkimi zańdy kúshine enbedi. Sot tarapynan bizdiń talap aryzymyz tolyǵymen qanaǵattandyryldy. Qylmysker ómir boıyna bas bostandyǵynan aıyryldy. 50 mıllıon teńge materıaldyq shyǵyn óteletin bolady”, – dep málimdedi zardap shegýshi taraptyń advokaty.