تۇركىستاندا ءبىلىم ءبولىمىنىڭ باسشىلارى سوتتالدى

ولار ءبىلىم بەرۋ سالاسىندا ناقتى جۇمىس ىستەمەگەن ادامدارعا جالاقى رەتىندە اۋدارۋ ارقىلى 29 ملن تەڭگە سوماسىندا بيۋدجەت قاراجاتىن جىمقىرعانى ءۇشىن كىنالى دەپ تانىلدى.

باتىربەكوۆا مەن شەگەنباەۆ 7 جىلعا باس بوستاندىعىنان ايىرىلسا, ءجانالى مەن پارمەنوۆ سول مەرزىمگە باس بوستاندىعىن شەكتەدى.

Cونداي-اق شىمكەنت قىلمىستىق ىستەر جونىندەگى اۋدانارالىق سوتى «شىمكەنت قالاسى بويىنشا ەڭبەك جانە الەۋمەتتىك قورعاۋ كوميتەتىنىڭ دەپارتامەنتى» رمم ءبولىمىنىڭ باسشىسىنىڭ مىندەتىن ۋاقىتشا اتقارۋشىسى بەگالاەۆاعا جانە «№12 قالالىق ەمحانا» شجق مكك مەدبيكەسى يرباەۆاعا قاتىستى ۇكىم شىعاردى.

بەگالاەۆا بىرنەشە رەت پارا العانى ءۇشىن, يرباەۆا مۇگەدەكتىك توپتارىن كەلىسكەنى ءۇشىن مۇمكىندىگى شەكتەۋلى بالالاردىڭ اتا-انالارىنان جالپى سوماسى 500 مىڭ تەڭگەگە پارا الۋدا بىرنەشە رەت دەلدالدىق جاساعانى ءۇشىن كىنالى دەپ تانىلدى.

سوت ۇكىمىمەن بەگالاەۆا مەن يرباەۆاعا تيىسىنشە 23,3 ملن تەڭگە جانە 10 ملن تەڭگە كولەمىندە ايىپپۇل سالىندى.