تۇركىستاندا قىزىن زورلاپ, اناسىن ولتىرگەن كۇدىكتىگە قاتىستى سوت وتىرىسى باستالدى

فوتو: اشىق دەرەككوز

تۇركىستاندا ەلدىڭ جاعاسىن ۇستاتقان قاندى وقيعاعا بايلانىستى سوت وتىرىسى باستالدى, دەپ حابارلايدى qandastar.kz Almaty.tv-عا سىلتەمە جاساپ.

بيىل قىركۇيەكتە كەلەس اۋدانىنداعى امانگەلدى اۋىلىنىڭ 30 جاستاعى تۇرعىنى 15 جاستاعى قىزدى ءوز ۇيىندە زورلاپ, اناسىمەن بىرگە ءولتىرىپ كەتكەن. بۇل قىلمىستى جاسادى دەگەن كۇدىككە ىلىنگەن ادام مەكتەپتە پراكتيكانت بولىپ جۇمىس ىستەگەن. ول 15 جاستاعى مارقۇمعا كوز سالىپ, قىرىنداعان كورىنەدى.

مۇنى بىلگەن اناسى بىردەن مەكتەپ ديرەكتورىنا ارىزدانعان. كوپ ۇزاماي 29 جاستاعى جىگىت ءبىلىم ورداسىنان شەتتەتىلدى. دەگەنمەن ىزاعا بۋلىعىپ, كەك الماق بولعان ول جانتۇرشىگەرلىك قىلمىستى 10 ايدان سوڭ جاساعان. جابىرلەنۋشى تاراپ كۇدىكتىگە ەڭ قاتال جازا ءتۇرىن بەرۋدى سۇراپ وتىر.

«03:31-دە «جەڭگەڭ مەن قارىنداسىڭدى ۇرىپ كەتىپتى» دەگەن حابار كەلدى. بارساق جەدەل جاردەم كولىگى تۇر. قارىنداسىمنىڭ ءبىر كوزى اعىپ كەتكەن. ءولى جاتىر. جەڭگەمە كىرسەم سول جاعىنان سوققى تيگەن. ءتۇرىن ادام تانىپ بولمايدى. حايۋاندىقپەن ولتىرىلگەن. ءومىر بويى باس بوستاندىعىنان ايىرۋدى تالاپ ەتەمىز», – دەدى مارقۇمداردىڭ تۋىسى سەرىك تۇرعانباەۆ.