Túrkistanda qyzyn zorlap, anasyn óltirgen kúdiktige qatysty sot otyrysy bastaldy

Foto: ashyq derekkóz

Túrkistanda eldiń jaǵasyn ustatqan qandy oqıǵaǵa baılanysty sot otyrysy bastaldy, dep habarlaıdy qandastar.kz Almaty.tv-ǵa silteme jasap.

Bıyl qyrkúıekte Keles aýdanyndaǵy Amangeldi aýylynyń 30 jastaǵy turǵyny 15 jastaǵy qyzdy óz úıinde zorlap, anasymen birge óltirip ketken. Bul qylmysty jasady degen kúdikke ilingen adam mektepte praktıkant bolyp jumys istegen. Ol 15 jastaǵy marqumǵa kóz salyp, qyryndaǵan kórinedi.

Muny bilgen anasy birden mektep dırektoryna aryzdanǵan. Kóp uzamaı 29 jastaǵy jigit bilim ordasynan shettetildi. Degenmen yzaǵa býlyǵyp, kek almaq bolǵan ol jantúrshigerlik qylmysty 10 aıdan soń jasaǵan. Jábirlenýshi tarap kúdiktige eń qatal jaza túrin berýdi surap otyr.

«03:31-de «jeńgeń men qaryndasyńdy uryp ketipti» degen habar keldi. Barsaq jedel járdem kóligi tur. Qaryndasymnyń bir kózi aǵyp ketken. О́li jatyr. Jeńgeme kirsem sol jaǵynan soqqy tıgen. Túrin adam tanyp bolmaıdy. Haıýandyqpen óltirilgen. О́mir boıy bas bostandyǵynan aıyrýdy talap etemiz», – dedi marqumdardyń týysy Serik Turǵanbaev.