ءبىلىم
تۇركىستاندا وقۋشى قىز اناسى سمارتفون الىپ بەرمەگەنى ءۇشىن ۇيىنەن كەتىپ قالعان
سۋرەت: pixabay
تۇركىستاندا 13 جاستاعى قىز ۇيىنەن كەتىپ قالعان. ءجاسوسپىرىم ۇيالى تەلەفون ساتىپ الىپ بەرمەگەنى ءۇشىن اناسىنا رەنجىگەن, دەپ حابارلايدى Zakon.kz.
پوليتسەيلەرگە قالا تۇرعىنى كەشكى ساعات 19:00 شاماسىندا ارىزدانىپ كەلگەن. ونىڭ ايتۋىنشا, كۇندىزگى ساعات 12:00 شاماسىندا قىزى ۇيىنەن شىعىپ كەتىپ, سودان حابارسىز كەتكەن. بالاسىن ءوز بەتىنشە ىزدەۋدەن ەش ناتيجە شىقپاعان سوڭ, پوليتسيا قىزمەتكەرلەرىنەن كومەك سۇراعان.
وبلىستىق پوليتسيا دەپارتامەنتىنىڭ مالىمەتىنشە, ءتارتىپ ساقشىلارى دەرەۋ ىزدەستىرۋ شارالارىنا كىرىسكەن.
«تاۋلىك ىشىندە قىزدىڭ جۇرگەن جەرى انىقتالدى. ول ساياباقتا دوستارىمەن بىرگە سەرۋەندەگەن. تەكسەرۋ بارىسىندا جاس قىز ۇيالى تەلەفون الىپ بەرمەگەنى ءۇشىن اناسىمەن رەنجىسىپ, ۇيىنەن شىعىپ كەتكەنى انىقتالدى. سودان دوستارىنىڭ ۇيىندە تۇنەگەنى بەلگىلى بولدى», – دەلىنگەن پوليتسيا مالىمەتىندە.
