تۇركىستاندا تاۋدا تۇراتىن «ماۋگلي ادام» تابىلدى

فوتو: اشىق دەرەككوز

تۇركىستان وبلىسى سوزاق اۋدانىندا جاسى الپىسقا تاياسا دا, جاپادان-جالعىز تاۋ كەزىپ, سول جاقتى مەكەن ەتەتىن «تاۋ ادامى» تۇرادى, دەپ حابارلايدى  qandastar.kz  Alash.KZ .

«تۇركىستان وبلىسى سوزاق اۋدانىنىڭ تاۋلارىندا ماۋگلي ادام ءومىر ءسۇرىپ جاتىر, ءتىپتى كەسكىن-كەلبەتىنە دەيىن ۇقساس. شاشى بەلۋاردان كەلەدى», – دەلىنگەن تەلەارنانىڭ سايتىندا.

ونى كوپشىلىك «تاۋ ادامى» دەپ اتاپ كەتكەن, سەبەبى جاسى الپىسقا تاياسا دا, وسىندا كەلىپ ءومىر ءسۇرۋىن توقتاتقان ەمەس. ول جىل سايىن جاز شىعا بەرە كەرەگىن ارقالاپ, تاۋعا اتتانادى. تاۋ باسىنا كۇركە تىگىپ, 3-4 اي جاپادان-جالعىز ءومىر سۇرەدى, دەپ جازدى kaz.nur.kz.

«مالىم بار, جانىم بار, تۇندە تۇرىپ قارايمىن عوي. جان-جاعىمدا ەلەستەر, انە جەردە, مىنا جولدان ءوتىپ بارا جاتادى. بىلاي كەلىپ, مىنا جاقتا دا تۇرادى, سونداي ەلەستەردى كوپ كورەمىن», – دەيدى «تاۋ ادامى».

شاۆكات تاۋ باسىندا قۇر جۇرمەيدى, قۇزار شىڭنىڭ ەڭ بيىك جەرىنە بارىپ, ءار نارسەنى ارماندايدى. اسىرەسە اكتەر بولعىسى كەلەتىنىن ايتادى, ءتىپتى ستسەناري دە دايىنداپ قويعانمىن دەيدى ول.

دەگەنمەن «اتتەڭ, قولدىڭ كەلتەسى-اي» دەپ وتىر, ويتكەنى شالعايدا جۇرگەن «تاۋ ادامىن» ايگىلى كينورەجيسسەر دجەيمس كەمەرون قايدان ءبىلسىن?!

«وتكەندە تاۋدىڭ باسىنا شىقسام, جاڭبىر جاۋىپ تۇر ەكەن. دجەيمس كەمەروندى ويلاپ جاتقام, جاڭاعى كوز الدىما ەلەستەتىپ جاتىرمىن دا, وسكاردى جەڭىپ جاتقانىن, بىرگە كينوعا ءتۇسىپ جاتقانىن… وسىنىڭ ءبارىن كوز الدىما ەلەستەپ, كوز جاسىما يە بولا الماي قالدىم. ءسوزدىڭ شىنى كەرەك, سول كەزدە ءبىر شۋماق ولەڭ كەلىپ قالدى», – دەگەن ول ولەڭىن دە وقىپ بەردى:

بۇل دۇنيە جۇمباق تىلسىم نەتكەن,

ەي, تاعدىر, سالدىڭ عوي قالىڭ بەتتەن.

ءتاڭىر جازىپ كەزدەسسەم دجەيمس كەمەرونمەن,

شەشىلەر قۇدىرەتى تىلسىم نەتكەن.

ءيا, ونىڭ ارمانى ەرەكشە وزگەشە, مۇنىسى تاۋ باسىندا ءجۇرىپ ساف اۋانى جۇتقاننان, بۇلاق سۋىن ىشكەننەن بولار. تاۋ ادامىنىڭ بۇدان دا وزگە قىرى بار – ول ەشقاشان وشپەيتىنىن سۋرەت سالادى, ياعني تاسقا قاشاپ سالىنعان تۋىندىلار.

«ول سۋرەتتى ايتاتىن بولسام, ء«بىر ءوزىم كەڭ دالاعا سىيمايمىن» دەپ اتالادى. بۇل سۋرەتتەگى قىز ەمەس, ول مەنمىن. اناۋ تۇرعان مەن جانە لاشىن قۇس. ارمانىما قاراي ۇمتىلىپ جاتىرمىن دەگەن بەينەدە», – دەپ ءتۇسىندىردى تاسقا قاشالعان سۋرەتتەرىن شاۆكات جۇرتانوۆ.

ول وسى سۋرەتتەردىس الىپ ءجۇرىپ, كوپشىلىككە تانىلعان, ال مۇنداي وي سونداعى پەتروگليفتەردى كورىپ ءجۇرىپ تۋىنداعان ەكەن. تاريحي تۋىندىلاردى سۋرەت سالىپ ءجۇرىپ ءبۇلدىرىپ العان كورىنەدى. جەرگىلىكتى اكىمدىكتەن ەسكەرتۋ كەلگەن سوڭ ونداي ورىندارعا مۇلدە جولامايتىن بولدىم دەيدى ول.