تۇركىستاندىق شەنەۋنىكتەر بيۋدجەت قاراجاتىن جىمقىرعان

فوتو: اشىق دەرەككوز

تۇركىستان وبلىسىندا بيۋدجەت قاراجاتىن جىمقىرعانى ءۇشىن تابيعاتتى قورعاۋ مەكەمەسىنىڭ بۇرىنعى باسشىسى مەن ونىڭ سىبايلاستارىنا سوت ۇكىمى شىقتى, دەپ حابارلايدى qandastar.kz

قر جەمقورلىققا قارسى ءىس-قيمىل اگەنتتىگىنىڭ مالىمەتىنشە, وبلىستىق تابيعات پايدالانۋ جانە تابيعي رەسۋرستار باسقارماسىنا قاراستى «جاسىل ايماق» كمم-ءنىڭ بۇرىنعى ديرەكتورى ي. بەگاسيلوۆ, ونىڭ ورىنباسارى ا. ەرنازاروۆ, مەكەمەنىڭ زاڭگەرى م. اينابەكوۆا جانە كاسىپكەر ي. مۋسليموۆ بيۋدجەت قاراجاتىن زاڭسىز يگەرگەنى ءۇشىن جاۋاپقا تارتىلعان.

ولار تەحنيكالىق تالاپتارعا ساي كەلمەيتىن ارزان پەستيتسيدتەر مەن گەربيتسيدتەردى ساتىپ الۋ ارقىلى مەملەكەتكە 14,9 ملن تەڭگە زالال كەلتىرگەن.

سوت شەشىمى:

ي. بەگاسيلوۆ – 2 جىل 6 ايعا باس بوستاندىعىنان ايىرىلدى.

ا. ەرنازاروۆ, م. اينابەكوۆا جانە ي. مۋسليموۆ – 2 جىلعا باس بوستاندىعىن شەكتەۋ جازاسىنا كەسىلدى.

 Dalanews.kz جازعانداي, سوتتالۋشىلار ءومىر بويىنا مەملەكەتتىك قىزمەتتە جانە كۆازيمەملەكەتتىك سەكتوردا جۇمىس ىستەۋ قۇقىعىنان ايىرىلدى. قازىرگى ۋاقىتتا سوت ۇكىمى زاڭدى كۇشىنە ەنگەن جوق.