تۇركيا ازاماتى قازاقستاندىقتاردى الداپ, 5 ملرد تەڭگە الىپ كەتكەن

قازاقستان ءىىم سۇراۋى بويىنشا چەرنوگوريانىڭ بۋدۆا قالاسىندا اسا ءىرى كولەمدەگى الاياقتىق جاساعانى ءۇشىن حالىقارالىق ىزدەۋدە بولعان تۇركيا ازاماتى ۇستالدى, دەپ حابارلايدى Qandastar.kz اقپارات پورتالى.

پوليتسيانىڭ مالىمەتىنشە, 2022 جىلعى قازان ايىنان 2024 جىلعى ماۋسىمعا دەيىن ول قازاقستانداعى جشس-تەردىڭ ءبىرىنىڭ ديرەكتورى بولا وتىرىپ, جەكە باسىنىڭ پايداسى ءۇشىن لاۋازىمدىق وكىلەتتىكتەرىن اسىرا پايدالانىپ, بىرقاتار الاياقتىق ارەكەتتەر جاساعان. ول وزگە جشس-تەرگە تيەسىلى اقشالاي قاراجات پەن م ۇلىكتى يەمدەنىپ كەتكەن. كەلتىرىلگەن جالپى شىعىن 5 ميلليارد تەڭگەدەن اسادى.