تۇركيا ەندى «ورتالىق ازيانى» «تۇركىستان»  اتاماق

فوتو Aljuvad.com

بۇل تۋرالى تۇركيانىڭ ۇلتتىق ءبىلىم مينيسترلىگى مالىمدەدى,  – دەپ جازادى Qandastar.kz.

«بارلىق وقۋ قۇرالىندا «ورتالىق ازيا» تەرمينىن تۇگەلدەي «تۇركىستان» دەپ اتاۋ تۋرالى ۇسىنىس ەنگىزىلدى. بۇل – ءبىرتۇتاس تۇركى تاريحىن, گەوگرافياسىن, ادەبيەتىن, كارتاسىن جانە ءالىپبيىن جاساۋعا جاسالىپ جاتقان قادام» دەلىنگەن حابارلامادا.

پرەزيدەنت رەدجەپ تايىپ ەردوعان بۇعان ءۇن قوستى. «تۇركيا پرەزيدەنتى كەلەشەكتەگى تۇركى ءداۋىرىنىڭ تۇعىرلى بولۋى ءۇشىن تۇرىك مەملەكەتتەرىنىڭ ۇيىمىن قۇرۋ يدەياسىن تۇلەتۋگە جۇمىس ىستەۋ كەرەگىن مەڭزەدى» دەپ جازادى TRT.

بۇل رەتتە پروفەسسور احمەت تاشاعىل دا «تۇركىستان» تەرمينىنىڭ تاريحي ماعىناسىن  بىلاي تارقاتقان.

«ورتالىق ازيا» تەرمينى 19 عاسىردىڭ 2-جارتىسىندا ورىس ەكسپانسياسى ناتيجەسىندە پايدا بولدى, العاشقى اتاۋ وسىلاي جويىلعان», – دەيدى پروفەسسور.

دوتسەنت رامين سادىق تا «مينيسترلىكتىڭ «تۇركىستاندى» وقۋلىقتارعا ەنگىزۋ تۋرالى شەشىمى تۇركى الەمىندەگى بايلانىستاردى نىعايتۋعا, سونىڭ ىشىندە ورتاق تاريحتى, ادەبيەتتى, كارتا مەن ءالىپبيدى جاساۋدى قامتيتىن كەڭ اۋقىمدى ستراتەگيانىڭ ءبىر بولىگى» دەگەن وي ايتتى.