Túrkııa endi «Ortalyq Azııany» «Túrkistan»  atamaq

Foto Aljuvad.com

Bul týraly Túrkııanyń Ulttyq bilim mınıstrligi málimdedi,  – dep jazady Qandastar.kz.

«Barlyq oqý quralynda «Ortalyq Azııa» termınin túgeldeı «Túrkistan» dep ataý týraly usynys engizildi. Bul – birtutas túrki tarıhyn, geografııasyn, ádebıetin, kartasyn jáne álipbıin jasaýǵa jasalyp jatqan qadam» delingen habarlamada.

Prezıdent Redjep Taıyp Erdoǵan buǵan ún qosty. «Túrkııa prezıdenti keleshektegi Túrki dáýiriniń tuǵyrly bolýy úshin Túrik memleketteriniń uıymyn qurý ıdeıasyn túletýge jumys isteý keregin meńzedi» dep jazady TRT.

Bul rette professor Ahmet Tashaǵyl da «Túrkistan» termıniniń tarıhı maǵynasyn  bylaı tarqatqan.

«Ortalyq Azııa» termıni 19 ǵasyrdyń 2-jartysynda orys ekspansııasy nátıjesinde paıda boldy, alǵashqy ataý osylaı joıylǵan», – deıdi professor.

Doent Ramın Sadyq ta «Mınıstrliktiń «Túrkistandy» oqýlyqtarǵa engizý týraly sheshimi túrki álemindegi baılanystardy nyǵaıtýǵa, sonyń ishinde ortaq tarıhty, ádebıetti, karta men álipbıdi jasaýdy qamtıtyn keń aýqymdy strategııanyń bir bóligi» degen oı aıtty.