جاڭالىقتار
تۇركيا قازاقستانعا BAYRAKTAR درونىن تەگىن بەرەدى
فوتو: اشىق دەرەككوز
تۇركيا قازاقستانعا BAYRAKTAR درونىن تەگىن بەرەدى, دەپ جازدى qandastar.kz
تۇركيا قازاقستانعا ۇشقىشسىز باسقارىلاتىن اۆياتسيالىق جۇيەلەرىن تەگىن بەرەدى. ەكى ەلدىڭ قورعانىسقا جاۋاپتى دەلەگاتسيالارى وسىعان قاتىستى حاتتاماعا قول قويدى. قۇجاتتىڭ نەگىزىندە تۇرىكتەر قارۋلى كۇشتەرىمىزدى Bayraktar Kalkan, Bayraktar Mini ۇشقىشسىز باسقارىلاتىن اپپاراتتار جانە Mosquito-X وق-دارىسىمەن تەگىن قامتاماسىز ەتەدى.
atamekenbusiness_qaz حابارلاعانداي, دروندار اسكەري سىناقتان وتكىزۋ ءۇشىن بەرىلەدى. ويتكەنى قازاقستان 2022 جىلدان بەرى ۇشقىشسىز ۇشاتىن اپپاراتتاردى پايدالانۋدىڭ حالىقارالىق تاجىريبەسىن بەلسەندى زەردەلەۋ ۇستىندە. بۇگىندە سول تۇرىكتەردىڭ ۇشقىشسىز باسقارىلاتىن ANKA اپپاراتى تاجىريبەلىك اسكەري سىناقتاردان ءساتتى ءوتىپ, پايدالانۋعا بەرىلدى. بۇل قاتاردا Wing Loong جانە Skylark بارلاۋشى ۇشۋ اپپاراتتارى دا بار. ارميامىزدا ارنايى بولىمشەلەر دە قۇرىلعان. جىل سايىن درونداردى باسقارۋ بويىنشا 200-گە جۋىق اسكەري وقىتىلادى.
