Túrkııa kıller jibergen be: О́zin senimdi ustaǵan mergen jeli juldyzyna aınaldy

Foto: ashyq derekkóz

Búkil álem kóz tikken Olımpıadaǵa beıqam kelgen mergen kópshiliktiń kózaıymyna aınaldy, dep habarlady Qandastar.kz. Naqtyraq aıtatyn bolsaq, Túrkııadan Parıj Olımpıadasyna kelgen Mergen Iýsýf Dıkech kúmis medal jeńip aldy.

51 jastaǵy mergen Olımpıadada esh qınalmaǵan túr tanytyp, ekinshi oryn alǵan. Sportshynyń óner kórsetý sáti H jelisinde jarııalandy, onda Iýsýf ózin sabyrly ári ózine senimdi ustaǵan. «Túrkııa kıller jibergen be?» delingen habarlamada. 10 metr jerden pnevmatıkalyq myltyqpen atatyn aralas komandalyq synaqtyń fınalynda Dıkech qolyn qaltasynda salyp, bosańsyǵan kúıde óner kórsetti.

Túrik mergeni basqalar sııaqty dáldik úshin bir kózdi jaýyp, qulaqqap kıgen joq. Bardy da, oǵyn atyp, kúmis medal ıelendi. Osy jetistiginen keıin áp-sátte áleýmettik jelide tanymal bolyp shyǵa keldi. Jeli qoldanýshylary «qaltasynan qolyn alyp, kózdep atqanda altyn alatyn edi», «О́zine tym senimdi boldy», «Keremet» degen sııaqty pikirler bildirdi.

Aıta ketý kerek, 1news.a resýrsynyń málimetinshe, Dıkech – Túrik jandarmerııasynyń otstavkadaǵy ofıeri. Bul onyń besinshi Olımpıada oıyndary jáne alǵashqy medali.