تۇركيا تۋى ىلىنگەن باعانادا بيلەگەن شەتەلدىك تۋريست باس بوستاندىعىنان ايىرىلماق

فوتو: ۆيدەودان سكرين

كاپپادوكياداعى تۋريستىك تانىمال نۇكتەلەردىڭ بىرىندە تۇسىرىلگەن ۆيدەو جەلىدە تارالىپ, قىز مەملەكەتتىك سيمۆولدى قورلاعان دەپ ايىپتالدى, دەپ جازدى qandastar.kz

ول اكروباتيكالىق تريۋكتاردى ورىنداۋ ءۇشىن تۇركيا تۋى ىلىنگەن فلاگشتوكتى قولدانعان. بۇل تۋرالى Stan.kzاقپارات اگەنتتىگى bazabazon ارناسىنا سىلتەمە جاساپ حابارلايدى.

جەرگىلىكتى تۇرعىندار ونىڭ ارەكەتتەرىن مەملەكەتتىك سيمۆولعا ءتىل تيگىزۋ دەپ ساناعان جانە پوليتسياعا شاعىمدانعان. وسىلايشا, پروكۋرورلىق ورگان تۇركيا قىلمىستىق كودەكسىنىڭ 300-بابى (مەملەكەتتىك سيمۆولداردى قورلاۋ) جانە 301-بابى (تۇركيا ۇلتى مەن ينستيتۋتتارىن قورلاۋ) بويىنشا قىلمىستىق ءىس قوزعادى.

«تۋ ءبىزدىڭ ابىرويىمىز, كوزىمىزدىڭ نۇرى. كاپپادوكياعا كەلگەن تۋريستەر ءاردايىم نەۆشەحيردىڭ قوناقجايلىلىعىمەن باۋرايدى. الايدا ءبىزدىڭ ۇلتتىق جانە رۋحاني قۇندىلىقتارعا قۇرمەتسىزدىك كورسەتۋ مۇلدە قابىلدانبايدى», – دەپ مالىمەدى جەرگىلىكتى پارتيا دەپۋتاتى ەمرە چالىشكان.

ءبيشىنىڭ ازاماتتىعى بەلگىسىز, تۇرىك باق-تارى ونى «yabancı turist», ياعني شەتەلدىك تۋريست دەپ اتايدى. كەيبىر پىكىرلەردە ۆيدەو اۆتورى بالقان تىلدەرىنىڭ بىرىندە سويلەگەن بولۋى مۇمكىن ەكەنى ايتىلعان.

ايتا كەتەيىك, تۇركيانىڭ زاڭىنا سايكەس قىز 1 جىلدان 3 جىلعا دەيىنگى باس بوستاندىعىنان ايىرىلادى. قازىر قىزدىڭ ۇستالعانى نەمەسە تۇركيادان كەتكەنى تۋرالى اقپارات جوق.
ەسكە سالايىق, بۇعان دەيىن اتىراۋ سوتى ارابشا جازۋى بار قازاقستان تۋىن ۇستاعان قىزداردى سۋرەتكە تۇسىرگەن ەكى اناعا ايىپپۇل سالدى. اكىمشىلىك قۇقىق بۇزۋشىلىق كودەكسىنىڭ 434-بابى بويىنشا ءتورت قىز اكىمشىلىك جاۋاپقا تارتىلىپ, بىرەۋى 15 تاۋلىككە قاماۋعا الىندى. سونىمەن قاتار پوليتسيا مەملەكەتتىك رامىزدەردى قورلاۋ فاكتىسى بويىنشا قىلمىستىق ءىس تەرگەپ جاتىر. ارابشا جازۋى بار تۋ Wildberries سايتىنان ساتىلىمنان الىندى.