Túrkııa týy ilingen baǵanada bılegen sheteldik týrıst bas bostandyǵynan aıyrylmaq

Foto: Vıdeodan skrın

Kappadokııadaǵy týrıstik tanymal núktelerdiń birinde túsirilgen vıdeo jelide taralyp, qyz memlekettik sımvoldy qorlaǵan dep aıyptaldy, dep jazdy qandastar.kz

Ol akrobatıkalyq trıýktardy oryndaý úshin Túrkııa týy ilingen flagshtokty qoldanǵan. Bul týraly Stan.kzaqparat agenttigi bazabazon arnasyna silteme jasap habarlaıdy.

Jergilikti turǵyndar onyń áreketterin memlekettik sımvolǵa til tıgizý dep sanaǵan jáne polıııaǵa shaǵymdanǵan. Osylaısha, prokýrorlyq organ Túrkııa Qylmystyq kodeksiniń 300-baby (memlekettik sımvoldardy qorlaý) jáne 301-baby (Túrkııa ulty men ınstıtýttaryn qorlaý) boıynsha qylmystyq is qozǵady.

«Tý bizdiń abyroıymyz, kózimizdiń nury. Kappadokııaǵa kelgen týrıster árdaıym Nevshehırdiń qonaqjaılylyǵymen baýraıdy. Alaıda bizdiń ulttyq jáne rýhanı qundylyqtarǵa qurmetsizdik kórsetý múlde qabyldanbaıdy», – dep málimedi jergilikti partııa depýtaty Emre Chalyshkan.

Bıshiniń azamattyǵy belgisiz, túrik BAQ-tary ony «yabancı turist», ıaǵnı sheteldik týrıst dep ataıdy. Keıbir pikirlerde vıdeo avtory Balqan tilderiniń birinde sóılegen bolýy múmkin ekeni aıtylǵan.

Aıta keteıik, Túrkııanyń zańyna sáıkes qyz 1 jyldan 3 jylǵa deıingi bas bostandyǵynan aıyrylady. Qazir qyzdyń ustalǵany nemese Túrkııadan ketkeni týraly aqparat joq.
Eske salaıyq, buǵan deıin Atyraý soty arabsha jazýy bar Qazaqstan týyn ustaǵan qyzdardy sýretke túsirgen eki anaǵa aıyppul saldy. Ákimshilik quqyq buzýshylyq kodeksiniń 434-baby boıynsha tórt qyz ákimshilik jaýapqa tartylyp, bireýi 15 táýlikke qamaýǵa alyndy. Sonymen qatar polıııa memlekettik rámizderdi qorlaý faktisi boıynsha qylmystyq is tergep jatyr. Arabsha jazýy bar tý Wildberries saıtynan satylymnan alyndy.