الەم جاڭالىقتارى
تۇركيادا ماگنيتۋداسى 6,1-گە تەڭ جەر سىلكىنىسى بولدى
فوتو: pixabay.com
تۇركيانىڭ مالاتيا پروۆينتسياسىندا ماگنيتۋداسى 6,1-گە تەڭ جەر سىلكىنىسى بولدى, – دەپ جازادى qandastar.kz .nur.kz-كە سىلتەمە جاساپ.
جەر سىلكىنىسىن تۇركيانىڭ شىعىسىنداعى 3 پروۆينتسيا تۇرعىندارى سەزگەن, دەلىنگەن NTV تەلەارناسىنىڭ ەفيرىندە. جەرگىلىكتى بيلىكتىڭ حابارىنا سەنسەك, تۇركيانىڭ شىعىسىنداعى جەر سىلكىنىسىنەن زارداپ شەككەندەر مەن جاراقات العاندار تۋرالى اقپارات ازىرشە جوق. تۇركيا ءىىم باسشىسى ءالي ەرلىكايدىڭ حابارىنا قاراعاندا, ءتيىستى ۆەدومستۆولار تەكسەرىس جۇمىستارىن باستاپ كەتكەن. ايتا كەتەيىك, مالاتيا – 2023 جىلدىڭ اقپانىندا جويقىن جەر سىلكىنىسى بولعان تۇرىك پروۆينتسيالارىنىڭ ءبىرى. سالدارىنان 11 پروۆينتسيادا 50 783 ادام قايتىس بولعان.
