جاڭالىقتار
تۇركيادا تاعى جەر سىلكىندى
فوتو:idiana university
انكارانىڭ وڭتۇستىگىندە ورنالاسقان كونيا پروۆينتسياسىنىڭ كۋلۋ اۋدانىندا 15 مامىردا 5,2 باللدىق جەر سىلكىنىسى بولدى, دەپ حابارلايدى qandastar.kz
بۇل تۋرالى TRT Haber تۇركيانىڭ توتەنشە جاعدايلار باسقارماسىنا (Afad) سىلتەمە جاساي وتىرىپ, حابارلادى.
جەر استى دۇمپۋلەرى جەرگىلىكتى ۋاقىت بويىنشا 15:46-دا تىركەلدى, جەر سىلكىنىسى وشاق 18,73 شاقىرىم تەرەڭدىكتە ورنالاسقان.
ەل استاناسى مەن وعان جاقىن وڭىرلەدىڭ تۇرعىندارى جەر تەربەلىسىن سەزگەن. تۇركيانىڭ ىشكى ىستەر ءمينيسترى ءالي ەرلىكايا قازىرگى ۋاقىتتا سەيسميكالىق بەلسەندىلىكتىڭ توقتاعانىن ايتتى.
23 ساۋىردە ىستامبۇلدا ءمارمار تەڭىزىنىڭ جاعالاۋىندا 6,2 باللدىق جەر سىلكىنىسى بولدى. ونىڭ ىزىمەن افتەرشوك ءجۇردى. اپات سالدارىنان 236 ادام زارداپ شەكتى, قۇربان بولعاندار جوق, سونداي-اق كەڭ اۋقىمدى قيراندىلار تىركەلمەدى. تۇركيا جەر سىلكىنىسىنەن ءجيى زارداپ شەگەتىنى بەلگىلى, ويتكەنى ول تەكتونيكالىق پليتالاردىڭ تۇيىسكەن جەرىندە ورنالاسقان.
