جاڭالىقتار
تۇركيانىڭ ىرگەسىندە 938 رەت جەر سىلكىندى
فوتو: ۆيكيمەديا
ەگەي تەڭىزىنىڭ تۇركيا مەن گرەكيا شەكاراسىنداعى بولىگىندە سوڭعى 10 كۇندە 938 رەت جەر ءدۇمپۋى تىركەلگەن. ولاردىڭ كوپشىلىگى 4 بالدان اسپايتىن ۇساق تەربەلىستەر. دەگەنمەن كەي دۇمپۋلەر يزمير قالاسىندا سەزىلگەن, دەپ جازدى qandastar.kz
ماماندار مۇنداي تەربەلىستەردەن كەيىن جويقىن جەر سىلكىنىسى بولۋ مۇمكىندىگىن جوققا شىعارمايدى.
بۇدان بولەك بۇل جەر قوزعالىستارى وسى ماڭايداعى جانارتاۋلاردى دا وياتۋى مۇمكىن.
سەبەبى تەڭىزدىڭ بۇل بولىگىندە 20-دان اسا سونگەن جانارتاۋ بار.
zakon.kz حابارلاعانداي, ولاردىڭ ەڭ ءىرىسى سانتوريني ارالىنداعى جانارتاۋ ويانىپ, اتقىلايتىن بولسا, تەڭىزدە تسۋنامي بولۋ قاۋپى جوعارى.
1925-ءشى جىلى ءدال وسىنداي جەر دۇمپۋلەرىنەن سوڭ بۇل جەردە جانارتاۋ اتقىلاپ, ۇلكەن اپات بولعان.
قازىر سەيسمولوگتار ءزىلزالا وشاقتارىن زەرتتەپ, تۇركياعا قانداي قاۋىپ بارىن ناقتىلاپ جاتىر.
