جاڭالىقتار
ءتۇرلى ەتنوس وكىلدەرى تۇراتىن ايماقتاردا اسسامبلەيا اشۋ كەرەك — توقاەۆ
فوتو: اقوردا
پرەزيدەنت ۇكىمەت پەن اكىمدەرگە اسسامبلەيانىڭ جوبالارىن قوعامدىق-ساياسي جۇمىس جوسپارلارىنا قوسىپ, ناقتى شارالار قابىلداۋدى تاپسىردى, دەپ جازدى qandastar.kz
«اسسامبلەيا ايماقتارداعى جۇمىستى جانداندىرۋى كەرەك. بىلتىر ەلىمىزدىڭ رۋحاني جانە تاريحي-مادەني ورداسى – تۇركىستاندا جاڭا دوستىق ءۇيى اشىلدى. ەندى وسىنداي دوستىق ءۇيىن حالىق تىعىز قونىستانعان الماتى وبلىسىندا سالۋ قاجەت. بۇل عيمارات ايماقتىڭ قوعامدىق ءومىرى ءۇشىن وتە ماڭىزدى ورتالىق بولماق. ءتۇرلى ەتنوس وكىلدەرى تۇراتىن قورداي, ۇيعىر, سايرام, پانفيلوۆ جانە باسقا دا اۋدانداردا اسسامبلەيا اشۋ كەرەك. سونىمەن قاتار دوستىق ۇيلەرى تاعى بىرنەشە قالا مەن اۋدان ورتالىعىندا اشىلادى دەپ جوسپارلانىپ وتىر. مەن بۇل باستامانى قولدايمىن. ءبىز قوعامدىق كەلىسىم ينفراقۇرىلىمىن بىرتىندەپ كەڭەيتە بەرۋىمىز كەرەك», — پرەزيدەنت.
