“Túrmede otyrǵan jaqsy edi”: Reseıdiń atynan soǵysyp, tutqynǵa túsip qalǵan qazaqstandyqtar oqıǵasyn aıtyp berdi

Vıdeodan skrınshot

Reseıdiń atynan soǵysqa qatysyp, tutqynǵa túsken qazaqstandyqtardy Ýkraına ekstradıııalady. Alaıda olardyń ári qaraı taǵdyryp belgisiz. Dese de jigitter soǵysqa ne úshin barǵanyn jáne qandaı qorlyqqa tap bolǵanyn aıtyp berdi, dep jazdy qandastar.kz

. Bul týraly Stan.kz aqparat agenttigi “Aıran” Youtube-arnasyna silteme jasap habarlaıdy.

«Nash vyhod» qoǵamdyq qozǵalysy jarııalaǵan Ýkraına bosatqan tutqyndar tiziminde Qazaqstannyń eki azamaty bar. Biri – 23 jastaǵy Erbolat. Ol Qostanaıdyń týmasy eken. Sózinshe, aqsha tabý maqsatynda Reseıge ketken. Alaıda ony soǵysqa jiberedi dep oılamaǵan.

“Halyqta aqsha az. Kúnkóriske áreń jetedi. Sol úshin qazaqstandyqtar Reseıge vahtalyq jumystarǵa barady. Meniń anama otaǵa aqsha kerek edi. Sol sebepti vahtalyq jumysqa baramyn dedim. Ol jaqta kelisimshartqa qol qoıdym, olar maǵan aqsha aýdardy. Men sol aqshany anama jiberdim. Sol kezde “VSB”-ǵa (áskerı qımyl) barasyń” dedi. Ne ekenin bilmeımin dedim, túsindirmedi. “Qaıda jiberse, sonda baramyn” dep kelistim. Anam munyń bárin men tutqynǵa túsken kezde bir-aq bildi”, – dedi Erbolat.

Ol soǵys kezdegi sátti esine aldy.

“Kamekadze ushyp tústi. Birden – 300 adam. Jan-jaqqa qashtyq. Drondar ushyp jatty, tyǵyldyq. Bir kezde dron komandırge tústi”, – dedi ol.

Ekinshi jigit – 21 jastaǵy Sherhan. Ol Baıqońyr ǵarysh aılaǵynan eken.

“Jazda Reseıge demalýǵa bardyq. Dostarymmen ishimdik iship, jastyqpen buzaqylyq jasadyq. Jetkizýshiniń samokatyn urlap, urdyq. Bizdi polıeıler ustap aldy. Buryn-sońdy ishimdik iship kórmegen edim. Sol úshin alkogol qatty áser etip, eń masy men boldym”, – deıdi qazaqstandyq jigit.

Otandasymyz túrmege otyrmaý úshin osyndaı qadamǵa barǵanyn aıtady.

“Qatty qorqyp kettim. Oǵan deıin quqyqbuzýshylyq jasap kórmegenmin. Polıııalyq bólimshege de barmaǵanmyn. Túrmege otyrmaý úshin kelisimshartqa qol qoıýǵa týra keldi. Týystaryma habarlasyp, keńes suraýym kerek edi. Advokat almaq bolǵanmyn. Taıaq jep, kir-kir bolyp ómir baqı soǵys alańynda júrgenshe, túrmede otyrǵan jaqsy edi”, – deıdi ol.

Sherhan soǵysqa óz betimen barǵysy keletinderge úndeý joldady.

“Men ómirimdi jalǵastyryp, qaıta oqyǵym keledi. JOO-ǵa túsip, páter alǵym keledi. Soǵysqa barǵysy kelip júrgenderge oılansyn der edim. Ol oıynshyq emes. Atys-shabys, qyl ústindegi ómir. Birinshi kúni men jaraqat alyp, ólemin dep oıladym”, – dedi Sherhan.

Ýkraına tarapy qabyldap alǵan tutqyndaryn ketýge ruqsat beredi. Olar rezervke turady. Al Reseı aıyrbastap alǵan tutqyndaryn úıine jibermeıdi, tipti jaqyndarymen kezdesýge ruqsat bermeıdi eken. Muny tutqyndarǵa reseılik erikti málimdedi.