تۇرمىستىق زورلىق-زومبىلىقتىڭ الدىن الۋ جونىندەگى ماسەلەلەردى تالقىلاۋ جونىندەگى دوڭگەلەك ۇستەل

«قازاقستانداعى داعدارىس ورتالىقتارى وداعى» زتب الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ «جان-سايا» داعدارىس ورتالىعىمەن بىرلەسىپ, «وتباسى كۇنىنە» وراي تۇرمىستىق زورلىق-زومبىلىقتىڭ الدىن الۋ ماسەلەلەرىنە ارنالعان دوڭگەلەك ۇستەل وتكىزدى.
​
اتالعان ءىس-شارانىڭ ماقساتى – تۇرمىستىق زورلىق-زومبىلىق قۇرباندارى ءۇشىن قاۋىپسىز جانە قولداۋشى ورتا قۇرۋ, وسى ماسەلەنى شەشۋدە ءتۇرلى قۇرىلىمداردىڭ ءوزارا ءىس-قيمىلىنىڭ ۇزدىك تاجىريبەلەرىمەن الماسۋ, سونداي-اق ايەلدەر مەن بالالاردىڭ قۇقىقتارىن قورعاۋ ماسەلەلەرىنە جۇرتشىلىقتىڭ نازارىن اۋدارۋ.

ءىس-شارا بارىسىندا ساراپشىلار, مەملەكەتتىك ورگاندار, ۇەۇ مەن قوعامدىق ۇيىمداردىڭ وكىلدەرى كەلەسى ماسەلەلەردى تالقىلادى:

-الماتىداعى تۇرمىستىق زورلىق-زومبىلىقتىڭ الدىن الۋ شارالارىنىڭ جاي-كۇيى;
-قولدانىستاعى شارالاردىڭ تيىمدىلىگى;
-پروفيلاكتيكانىڭ جاڭا تاسىلدەرى;
-ماسەلەنى شەشۋدەگى ءارتۇرلى ۇيىمداردىڭ ءرولى;
-حالىقتىڭ تۇرمىستىق زورلىق-زومبىلىق تۋرالى حاباردار بولۋىن ارتتىرۋ جولدارى;
-ۆەدومستۆوارالىق ىنتىماقتاستىقتىڭ مۇمكىندىكتەرى مەن پەرسپەكتيۆالارى.