Jańalyqtar
«Tursynbaevadan bastaımyz»: quzyrly organdar halyqtan aqsha jınaǵan juldyzdarmen aınalyspaq
Foto: depositphotos.com
«Biz birgemiz» qorynyń quryltaıshysy Perızat Qaırat isinen keıin, quzyrly organdar halyqtan aqsha jınaǵan jáne qazir de jınaıtyn, jelide tanymal, aýdıtorııasy úlken adamdarǵa tekseris júrgizý boıynsha jabyq konsýltaııalar ótkize bastady. Kelesi jyldan bastap Qarjy monıtorıngi agenttigi osy istiń basty koordınatory bolýy múmkin. DALA INSIDE derekkóziniń aıtýynsha, aýzy dýaly juldyz bolyp júrgen biraz adamnyń bylyǵy ashylýy ǵajap emes, dep jazady qandastar.kz
«Qaıyrymdylyq qorlar ǵana emes, eshqandaı qorsyz-aq aýdıtorııasynan aqsha jınap júrgen, kýrs, basqa da zattar satyp júrgenderdiń arnaıy reestri týraly jabyq talqylaýlar júrýde. Al qorlardyń jaǵdaıy túsinikti. Olar kelesi jyldan bastap qatań qadaǵalaýǵa alynatyn bolady»
Tekseriletin tizimdi Aınur Tursynbaeva, Quralaı hanym, Qýanysh Shońbaı syndy koých, kýrs satatyn tulǵalar bastaıtyny anyq. Olardyń banktik tranzakııalary tekserilip, salyq tóleý dısıplınasyna monıtorıng jasalady dep kútilýde. Aqsha kimnen jáne qaıdan tústi, aqsha jibergender tıisti qyzmet aldy ma, ol tabystan salyq tólendi me, barlyǵy mıkroskoppen qaralmaq.
«Reseıdegi «Blınovskaıa keısi» bizde de qaıtalanady. Qazaqtyń túrli koýchtary, blogerleri, qazirden bastap osyǵan daıyn bolýy tıis», – deıdi, derekkóz.
2023 jyly Reseıde «Tilek marafonyn» ótkizip júrgen, eń atyshýly bloger Elena Blınovskaıa shetelge ketip bara jatqan jerinen ustalǵan bolatyn. Oǵan 918 mıllıon rýbl salyqtan jaltardy degen aıyp taǵylyp, aldymen úıqamaqqa, odan keıin tergeý ızolıatoryna jóneltilgen edi. Qazir Blınovskaıa 918 mıllıon rýbldiń 230 mıllıonyn ótedi. Qalǵan qaryzdy tóleı almaı, bankrot dep tanylyp otyr. Otandyq juldyzdar da Blınovskaıa kebin kııýi múmkin. 2025 jyly birneshe dúrkiregen sot proesi ótedi dep kútilýde. Onyń barlyǵyn ıýtýbta ashyq ótkizý boıynsha ıdeıalar qoldaý taýyp otyr. Tek tıisti normatıvtik aktilerge ózgeris engizý qajet.
