الەم جاڭالىقتارىجاڭالىقتار
ء«تۇسىرىلىم الاڭىندا بىردە ءبىر قازاق بولماسىن»: ەلىمىزدە بەينەبايان تۇسىرگەن رەسەيلىك بلوگەر ءوزىن ايىپتاعاندارعا جاۋاپ بەردى
فوتو: جەكە پاراقشاسىنان
تانىمال رەسەيلىك بلوگەر ۆاليا كارناۆالعا قاتىستى داۋ شىقتى, دەپ جازدى qandastar.kz
بۇل تۋرالىStan.kz اقپارات اگەنتتىگى حابارلايدى.
“قازاقستانعا بىلتىر رەسەيلىك بلوگەر كليپ ءتۇسىرۋ ءۇشىن كەلگەن. ەڭ باستى تالابى — ءتۇسىرىلىم الاڭىندا بىردە-ءبىر قازاق بولماۋى كەرەك ەكەن. ەلەستەتىپ كورىڭىزشى: قازاقستانعا كەلىپ, جەرگىلىكتى ادامداردى الاڭنان كەتىرۋدى سۇراۋ — بۇل اقىماقتىق», — دەگەن ەدى Anton S Youtube ارناسى.
الايدا بلوگەر مۇنى جوققا شىعاردى.
“الەۋمەتتىك جەلىدەن ماعان بايلانىستى ءبىر ۆيدەونى كوردىم. ول جەردە مەنىڭ ءبىر جىل بۇرىن كليپ تۇسىرگەن كەزدە قازاقستان كومانداسىنا دۇرىس قاراماعانىمدى ايتادى. مەن سىزدەرگە اشىق ايتايىن: بۇل — جالعان, ساندىراق, جالا جانە ارانداتۋشىلىق. قازاقستاندىق جىگىتتەرمەن جۇمىس ىستەگەننەن كەيىن, مەندە كەرەمەت اسەر قالدى. كليپ وتە كەرەمەت, تاماشا شىقتى. ادامدار وتە مەيىرىمدى ءارى قوناقجاي ەكەن. وسىنداي جالاعا مەنىڭ جانىم اۋىرادى. ساندىراققا سەنبەڭىزدەر, ايتپەسە مەن سوتقا جۇگىنۋگە ءماجبۇر بولامىن» — دەدى ۆاليا كارناۆال ۆيدەوۇندەۋىندە.
