«Túsirilim alańynda birde bir qazaq bolmasyn»: Elimizde beınebaıan túsirgen reseılik bloger ózin aıyptaǵandarǵa jaýap berdi

Foto: jeke paraqshasynan

Tanymal reseılik bloger Valıa Karnavalǵa qatysty daý shyqty, dep jazdy  qandastar.kz

Bul týralyStan.kz aqparat agenttigi habarlaıdy.

“Qazaqstanǵa byltyr reseılik bloger klıp túsirý úshin kelgen. Eń basty talaby — túsirilim alańynda birde-bir qazaq bolmaýy kerek eken. Elestetip kórińizshi: Qazaqstanǵa kelip, jergilikti adamdardy alańnan ketirýdi suraý — bul aqymaqtyq», — degen edi Anton S Youtube arnasy.

Alaıda bloger muny joqqa shyǵardy.

“Áleýmettik jeliden maǵan baılanysty bir vıdeony kórdim. Ol jerde meniń bir jyl buryn klıp túsirgen kezde Qazaqstan komandasyna durys qaramaǵanymdy aıtady. Men sizderge ashyq aıtaıyn: bul — jalǵan, sandyraq, jala jáne arandatýshylyq. Qazaqstandyq jigittermen jumys istegennen keıin, mende keremet áser qaldy. Klıp óte keremet, tamasha shyqty. Adamdar óte meıirimdi ári qonaqjaı eken. Osyndaı jalaǵa meniń janym aýyrady. Sandyraqqa senbeńizder, áıtpese men sotqa júginýge májbúr bolamyn» — dedi Valıa Karnaval vıdeoúndeýinde.