«تۇزەتۋ كەرەك»: باپكەر نازىم قىزايبايدىڭ كەمشىلىگىن ايتتى

الماتى ايەلدەر قۇراماسىنىڭ اعا باپكەرى دولكۋنجان كامەكوۆ استانادا بوكستان بوكستان الەم كۋبوگىنىڭ قورىتىندىسىنا قاتىستى پىكىر ءبىلدىردى, دەپ حابارلايدى Qandastar.kz.

بۇل تۋرالى الماتى بوكس فەدەراتسياسىنىڭ ءباسپاسوز قىزمەتى مالىمدەدى.

«ءوز ەلىمىزدە وتكەن الەم كۋبوگىنىڭ كەزەڭى ءبىزدىڭ كوماندا ءۇشىن ۇلكەن سىناق بولدى. ءبىر جاعىنان, بۇل باپكەرلەر قۇرامى مەن سپورتشىلار ءۇشىن ەمتيحان ىسپەتتەس. جالپى العاندا, كوماندا جۇكتەلگەن مىندەتتى ورىندادى. ارينە, ءبارى ءمىنسىز ءوتتى دەۋگە كەلمەيدى, جۇمىس ىستەيتىن, تۇزەتۋدى قاجەت ەتەتىن تۇستار بار. ەڭ باستىسى, ءبىز سپورتشىلاردىڭ الەۋەتىن جانە جاتتىعۋ بارىسىندا قاي باعىتقا كوبىرەك كوڭىل ءبولۋ كەرەكتىگىن كوردىك. اسىرەسە, قۇراما كوشباسشىلارىنىڭ ونەرىنە ەرەكشە نازار اۋدارىلدى. نازىم قىزايباي جەڭىل جاراقاتىنا قاراماستان فينالعا دەيىن جەتىپ, جوعارى دەڭگەيدەگى تەحنيكالىق جانە تاكتيكالىق شەبەرلىگىن پاش ەتتى. ول كەرەمەت جەكپە-جەكتەر وتكىزدى, ناعىز مىنەز كورسەتتى جانە ءوز سالماق دارەجەسىندە ۇزدىك سپورتشى ەكەنىن تاعى ءبىر مارتە دالەلدەدى», — دەدى باپكەر.

ايتا كەتەيىك, استانادا وتكەن الەم كۋبوگىندا 48 كەلىگە دەيىنگى سالماق دارەجەسىندە نازىم قىزايباي التىن مەدال يەلەندى.