تيان-شان تاۋىندا قالىپ قالعان ايەلگە قاتىستى جانتۇرشىگەرلىك تىڭ دەرەك شىقتى

فوتو:ناتاليا ناگوۆيتسىنا

رەسەيلىك الپينيست ناتاليا ناگوۆيتسىنانىڭ دەنەسىن تيان-شانداعى «پوبەدا» شىڭىنان 2026 جىلدىڭ كوكتەمىنە دەيىن ەۆاكۋاتسيالاۋ مۇمكىن ەمەس, دەپ qandastar.kz ءتىلشىسى Sportinside.kz سايتىنا سىلتەمە جاساپ حابارلايدى.

باسىلىم مالىمەتىنشە, 2025 جىلعى الپينيستىك ماۋسىم رەسمي تۇردە جابىلدى. قۇتقارۋ جۇمىستارى تەك كەلەسى كوكتەمدە قايتا جالعاسادى دەپ كۇتىلەدى.

Mash قۇتقارۋشىلاردىڭ سوڭعى ارەكەتىنەن كادرلار دا جاريالاعان: 6100 مەتر بيىكتىكتە قارلى بورانمەن ارپالىسقان توپ سپورتشىعا جەتە المادى. ويتكەنى ناگوۆيتسىنا ودان دا بيىك – شامامەن 7140 مەتردە بولعان, ول جەردە جاعداي تىم قاۋىپتى بولىپ شىقتى.

47 جاستاعى الپينيست «پوبەدا» شىڭىنان (7439 م) ءتۇسۋ كەزىندە اياعىنان جاراقات العان. الايدا ونى قۇتقارۋ ءۇشىن جاسالعان بىرنەشە ارەكەت ناتيجەسىز اياقتالدى: اۋا رايىنىڭ قولايسىزدىعى كەدەرگى بولسا, تىكۇشاقتار ءۇشىن قاتتى داۋىل مەن بيىكتىك ەڭسەرىلمەيتىن توسقاۋىلعا اينالدى.

ايتا كەتەيىك, بۇل – ناگوۆيتسىنانىڭ وتباسىنداعى العاشقى قايعى ەمەس. 2021 جىلى ونىڭ جۇبايى سەرگەي حان-ءتاڭىرى شىڭىندا قالىپ, سول جەردە كوز جۇمعان ەدى.