«تىلسىمنىڭ كۇشىمەن امان قالدى»: تالعاردا ۇرلانعان قىزدىڭ جاعدايى بەلگىلى بولدى

فوتو: ۆيدەودان سكرينشوت

تالعارداعى وقيعا كەزىندە جاراقات العان كىشكەنتاي قىزعا وتا جاسالىپ, ءتىلى سەگىز تۇسىنان تىگىلدى. بۇل تۋرالى ادۆوكات گاۋحار ساريەۆا Instagram پاراقشاسىندا حابارلادى, دەپ جازدى Qandastar.kz.

«بالاعا وپەراتسيا جاسالدى, دارىگەرلەر تىلىنە سەگىز تىگىس سالدى. قىلمىسكەر بۇلدىرشىنمەن بىرگە كولىك اپاتىنا ۇشىراعاندا, جاراقاتتار سول كەزدە بولعان. ول قىزعا قول كوتەرگەن جوق. قىزدىڭ ءتىرى قالعانى – ۇلكەن باقىت, ول قاندايدا ءبىر تىلسىمنىڭ كۇشىمەن امان قالدى», – دەپ جازدى ساريەۆا.

ادۆوكاتتىڭ ايتۋىنشا, ءبۇلدىرشىننىڭ اناسى – مەدبيكە. قيىن ساتتە ول كورشىسىنىڭ ۇيىندە بولىپ, ونكولوگيالىق ناۋقاسقا ءدارى تامشىلاتىپ جاتقان.

«ول ۇيدە بولماعانىنا شۇكىر. ەگەر قىلمىسكەر ونى سول جەردە كورگەندە, نە بولارىن ەلەستەتۋدىڭ ءوزى قيىن», – دەدى ساريەۆا.