«Tyrnaq astynan “kir” izdeý»: Qorǵanys mınıstri Jaqsylyqovtyń áıeliniń klıpine qansha qarajat jumsaldy?

Foto: todayinfo

Qorǵanys mınıstri Rýslan Jaqsylyqovtyń áıeli Elmıra Baqqalı “Qazaqstan” ánine 2015 jyly beıneklıp túsirgen, dep habarlaıdy Alash.KZ.

Beıneklıpke áskerı tehnıkanyń tutas kolonnasy, tikushaq pen bir top sarbaz túsken. Ondaǵy adam sany men áskerı tehnıkany eskersek, kóp qarajat jumsalǵany anyq.

Al Qorǵanys mınıstrligi, tyrnaq astynan “kir” izdeýdiń qajeti joǵyn aıtty. Olardyń málimetinshe, beınebaıan osydan 10 jyl buryn túsirilgen. Bul Ulttyq ulan týraly áskerı-patrıottyq baǵytta jasalǵan alǵashqy ımıdjdik klıp.

«Klıp jaýyngerlik daıyndyq boıynsha josparly sabaqtar kezinde túsirilgen. Ony jasaýǵa eshqandaı memlekettik qarjy jumsalmaǵan. Demeýshilerdiń kómegi tartylǵan. 10 jylǵa jýyq ýaqyttan keıin buǵan mán berýdiń qajeti qansha?», – deıdi olar.

Aıta keteıik, 2014 jyly Rýslan Jaqsylyqov Ulttyq ulannyń Bas qolbasshysy qyzmetine keldi. Al beıneklıp Elmıra Baqqalı ansambl quramynda bolǵan kezde, 2015 jyly jaryqqa shyqqan. Ol – Qazaqstannyń eńbek sińirgen qaıratkeri. «Qurmet» ordeniniń ıegeri.