Jańalyqtar
TJM Qazaqstandaǵy sý tasqyny jaǵdaıy týraly málimet berdi: tórt oblys baqylaýda
Foto: TJM
Naýryz aıynyń basynan bastap Qazaqstannyń barlyq óńirinde sý tasqynynyń aldyn alý sharalary júrgizilip jatyr. Bul jumystar aýmaqtardyń sý basý qaýpin barynsha azaıtý jáne halyqtyń qaýipsizdigin qamtamasyz etý maqsatynda qolǵa alynǵan, dep habarlaıdy qandastar.kz
Naýryz aıynyń basynan bastap 4 mıllıon tekshe metr sý sorylyp, 658myńnan astam qapshyq jáne 45 myń tonnaǵa jýyq ınertti materıaldar tóseldi. Sondaı-aq, 842 myń metrden astam aryqtardy tazartý jumysy júrgizildi.
Zakon.kz jazǵandaı, qazirgi ýaqytta avarııalyq-qutqarý jumystaryna barlyǵy 577 adam, 179 birlik tehnıka, 58 motopompalar jáne júzý quraldary jumyldyryldy. Sý tasqyny qaýpi jaǵdaıynda qaýipsizdikti qamtamasyz etý úshin TJM, IIM, JAO jáne basqa da uıymdardyń qyzmetkerleri jumyldyryldy.
Búgingi tańda birneshe sý basqan aýmaqtar baqylaýda. Aqmola oblysynyń Astrahan aýdany Jańaturmys, Kolýton, Staryı Kolýton, Iagodnoe jáne Atbasar aýdany A.Qurmanov aýyldarynda 69 jeke turǵyn úıdi, al Bulandy aýdany Novobratskoe aýylynda 29 aýla aýmaǵyn sý basqan.
Avtomobıl joldarynda 26 sý tógilý jáne 5 shaıylyp ketken ýchaske baqylaýda, 14 eldi meken kólik qatynasynsyz qaldy. Sý tasqyny kezeńinde 383 adam evakýaııalandy, onyń 10-y ýaqytsha ornalastyrý pýnktterinde, al 159 evakýaııalanǵan adam týystarynyń qasynda turady, 214 adam úılerine oraldy.
Kúshter men quraldar únemi daıyndyqta tur. Evakýaııalanǵan halyqty tasymaldaýǵa arnalǵan evakýaııalyq pýnktter men kólik quraldary ázir. TJM áýe kemeleri de turaqty daıyndyqta. Qazir tórt aımaq baqylaýda: Aqmola, Soltústik Qazaqstan, Shyǵys Qazaqstan oblystary jáne Abaı oblysy. Alaıda, munda sý tasqyny men sý basý qaýpi ótken jyldyń sáıkes kezeńimen salystyrǵanda edáýir tómen.
