جاڭالىقتار
تجم: سۋ تاسقىنى قاۋپى بار 1200 ەلدىمەكەن تىركەلدى
فوتو:ortcom.kz
قر تجم توتەنشە جاعدايلاردىڭ الدىن الۋ كوميتەتى توراعاسىنىڭ م.ا. اسەت جىلقايداروۆتىڭ ايتۋىنشا, بۇگىنگى تاڭدا ەل بويىنشا سۋ تاسقىنى قاۋپى بار ەلدى مەكەندەر سانى 1223 قۇرايدى, دەپ جازدى qandastar.kz
«ولاردى قورعاۋ ءۇشىن 576 شاقىرىم قورعانىش بوگەندەرى مەن بىلىكتەرى تۇرعىزىلدى. 822 شاقىرىم درەناج جۇيەلەرى, كانالدار مەن ارىقتار جوندەلىپ, سالىندى. اۆتوموبيل مەن تەمىر جول قاتىناستارىندا 960 سۋ وتكىزۋ قۇرىلىسى ورناتىلىپ, اۋىستىرىلدى. 74 وزەننىڭ قاۋىپتى ۋچاسكەلەرىندە 500 شاقىرىمعا جۋىق ءتۇبىن تەرەڭدەتۋ, جاعالاۋدى نىعايتۋ جانە ارنالاردى تازارتۋ جۇمىستارى جۇرگىزىلدى», – دەدى سپيكەر.
تجم وكىلىنىڭ ايتۋىنشا, زارداپ شەككەندەردى قابىلداۋدىڭ 3,5 مىڭنان استام پۋنكتى دايىندالدى, بروننان شىعارىلعان جاعدايدا تىرشىلىكتى قامتاماسىز ەتۋ قۇرالدارى مەن مەملەكەتتىك ماتەريالدىق رەزەرۆ تەحنيكاسى ايقىندالدى.
