«ۋايىمداما, سويلەسىپ قويعانمىن»: جەلىدە شەرزاتتىڭ ولىمىنە قاتىستى سوت اياقتالعان كەزدە الدەكىمدەردىڭ جازىلىپ قالعان ديالوگى تارادى

فوتو: جوعارى سوت

الەۋمەتتىك جەلىلەردە باستى ايىپتالۋشى-ابزال شىناسىل ايعاق بەرگەن شەرزات بولاتتى ءولتىرۋ تۋرالى ءىس بويىنشا سوتتىڭ كەزەكتى وتىرىسىنىڭ تىكەلەي ەفيرىنەن كەيىن وعاش ديالوگ تالقىلاندى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

كادردا سوتتىڭ اياقتالعانى جاريالانىپ, جينالعاندار ورىندارىنان تۇرا باستاعان.

– كوزىمنەن جاس شىعىپ كەتە جازدادى عوي, دۇرىس سويلەدىم بە ەي?

– ساعان كوپ سۇراق قويمايدى, ۋايىمداما! سويلەسىپ قويعانمىن.

ۆيدەودا كىم كىممەن سويلەسىپ جاتقانى بەلگىسىز. بىراق جەلى قولدانۋشىلارى مۇنى ايىپتالۋشىلار مەن ولاردىڭ ادۆوكاتتارىمەن بايلانىستى دەپ توپشىلادى.

ەسكە سالايىق, 2024 جىلى 4 قازانعا قاراعان ءتۇنى تالعاردا 16 جاستاعى شەرزات پولات قازا تاپقان ەدى. ونىڭ ءولىمى قوعامدا ۇلكەن نارازىلىق تۋدىردى. مارقۇمنىڭ اكەسى تۋىستارىمەن جانە جەرگىلىكتى تۇرعىندارمەن بىرگە ءادىل تەرگەۋ جۇرگىزۋدى تالاپ ەتىپ, نارازىلىق ۇيىمداستىردى. بىرنەشە كۇننەن كەيىن, 12 قازانعا قاراعان ءتۇنى نۇرىموۆتار وتباسىنىڭ ءۇيى تولىعىمەن ورتەنىپ كەتتى. باس پروكۋراتۋرا ءورتتىڭ قاساقانا جاسالعانىن مالىمدەدى. الايدا ءۇيدى ورتەگەن كۇدىكتىلەر ءالى كۇنگە تابىلعان جوق.