Áleýmet jáne qoǵam
«Ýaıymdama, sóılesip qoıǵanmyn»: Jelide Sherzattyń ólimine qatysty sot aıaqtalǵan kezde áldekimderdiń jazylyp qalǵan dıalogy tarady
Foto: Joǵary sot
Áleýmettik jelilerde basty aıyptalýshy-Abzal Shynasyl aıǵaq bergen Sherzat Bolatty óltirý týraly is boıynsha sottyń kezekti otyrysynyń tikeleı efırinen keıin oǵash dıalog talqylandy, dep jazdy qandastar.kz
Bul týraly Stan.kz aqparat agenttigi habarlaıdy.
Kadrda sottyń aıaqtalǵany jarııalanyp, jınalǵandar oryndarynan tura bastaǵan.
– Kózimnen jas shyǵyp kete jazdady ǵoı, durys sóıledim be eı?
– Saǵan kóp suraq qoımaıdy, ýaıymdama! Sóılesip qoıǵanmyn.
Vıdeoda kim kimmen sóılesip jatqany belgisiz. Biraq jeli qoldanýshylary muny aıyptalýshylar men olardyń advokattarymen baılanysty dep topshylady.
Eske salaıyq, 2024 jyly 4 qazanǵa qaraǵan túni Talǵarda 16 jastaǵy Sherzat Polat qaza tapqan edi. Onyń ólimi qoǵamda úlken narazylyq týdyrdy. Marqumnyń ákesi týystarymen jáne jergilikti turǵyndarmen birge ádil tergeý júrgizýdi talap etip, narazylyq uıymdastyrdy. Birneshe kúnnen keıin, 12 qazanǵa qaraǵan túni Nurymovtar otbasynyń úıi tolyǵymen órtenip ketti. Bas prokýratýra órttiń qasaqana jasalǵanyn málimdedi. Alaıda úıdi órtegen kúdiktiler áli kúnge tabylǵan joq.
