Ýaqytty 1 saǵat keri emes, 23 saǵat alǵa jyljytý usynyldy

Jalpy, álemde 175 el standartty bir saǵatqa baǵynady.
Al eń kóp ýaqyt beldeýi bar memleket – Reseı. Ol jaq 11 túrli ýaqyt beldeýimen júredi

Biryńǵaı ýaqytqa kóshýge kelgende qazaqstandyqtardyń pikiri qaq jarylady. Biri ekonomıkalyq turǵydan utylamyz dese, endi ekinshisi «ult saýlyǵyn bárinen joǵary qoıýymyz kerek» degen pikirde.

Jýrnalıst Nurlat Baıgenje ýaqyt beldeýi máselesinde «Qazaqstannyń qadamy qolaıly ma?» degen saýalǵa jaýap izdeıdi.

– 2023 jyldyń sáýirinde Saýda jáne ıntegraııa mınıstrligi janynan vedomstvoaralyq jumys toby qurylyp, onyń quramyna V.Fesenkov atyndaǵy Astrofızıka ınstıtýty, Genetıka jáne fızıologııa ınstıtýty, Geografııa jáne sý qaýipsizdigi ınstıtýty, M.Aıthojın atyndaǵy molekýlalyq bıologııa jáne bıohımııa ınstıtýty, Qazaq onkologııa jáne radıologııa ǵylymı-zertteý ınstıtýtynyń ǵalymdary, Parlament depýtattary, qoǵam belsendileri enip, UTC+6 ýaqyt beldeýi tabıǵı kún ýaqytyna sáıkes kelmeıtinin aıtyp, densaýlyqqa teris áser etetinin anyqtady (Qazaqstan UTC+5 jáne UTC+6 ýaqyt beldeýin qoldanady). Endi sarapshylar aǵzanyń bıologııalyq saǵattaryn saqtaý úshin búkil el boıynsha UTC+5 biryńǵaı ýaqytyna kóshýdi usyndy, – deıdi ol.

Shyny kerek, qazaqstandyqtar eldegi ýaqyt beldeýiniń árkelkiligine kóbine poıyz ben ushaqtan qalyp qoıǵanda narazy bolady. Osy kúni Qazaqstannyń batysyndaǵy 4 oblys jáne Qyzylordada bir ýaqyt, ózge oblys turǵyndary bir ýaqytty paıdalanyp keledi.

– Qoldanbaly hronobıologııa boıynsha maman, qoǵam belsendisi Bolat Nurhojaevtyń sózinshe, ǵylymı konsensýsqa saı, ýaqyt beldeýlerin barynsha tıimdi paıdalaný kerek. Eldiń barlyq aımaǵy UTC+5 biryńǵaı ýaqytyna kóshýi utymdy sheshim boldy. Qysqasy, 1 naýryzdan bastap el batysyndaǵy óńirler men Qyzylorda oblysy qoldanatyn UTC+5 ýaqyt beldeýimen barlyǵymyz júretin bolamyz. Bálkim, aldaǵy ýaqytta jazǵy ýaqytqa aýysatyn shyǵarmyz, – dep túıindedi sózin jýrnalıst.

2018 jyly 21 jeltoqsannan 22 jeltoqsanǵa qaraǵan tusta Qyzylorda oblysynda saǵat 00:00-de jergilikti ýaqyt bir saǵat artqa jyljytylǵan edi. Sonda saǵat tilin 1 saǵat keri emes, alǵa 23 saǵat jyljytýdy usynǵandar boldy. Sebebi, «saǵat tilin keri burýǵa bolmaıdy» degen qaǵıda el ishinde bolsa kerek.