UBT-da rekord: Aýyldyń balasy birde-bir suraqqa qatelespegen

Foto: Aıqyn.kz

Ulttyq biryńǵaı testileýde jańa rekord ornatyldy, dep habarlaıdy Skifnews.kz aqparat portaly.

inbusiness.kz saıtynyń jazýynsha, Almaty oblysy, Talǵar aýdany, Qarabulaq aýylynyń №22 jalpy bilim beretin orta mektebi túlegi Eńsebek Jannur barlyq suraqqa durys jaýap berip, maksımaldy ball jınady.

Osylaısha aýyldyń balasy joǵary ball alyp, dúıim jurtty tańǵaldyrdy.

Aıta keteıik, keshe ǵana jańaózendik Abzal Ońǵarbaev 139 ball jınap, eń úzdik nátıje kórsetken bolatyn.

Bir júıirikten ekinshi bir júıirik asyp, búgin Eńsebek Jannur 140 ball jınap, rekordty jańartty.