UBT-ǵa ózgertý engizildi

Foto: ashyu derekkóz

Ǵylym jáne joǵary bilim mınıstriniń 2025 jylǵy 1 sáýirdegi buıryǵymen Ulttyq biryńǵaı testileýdi (UBT) ótkizý qaǵıdalaryna ózgerister engizildi, dep habarlady qandastar.kz

«UBT qaǵaz nemese elektrondyq formatta Ulttyq testileý ortalyǵy arqyly nemese joǵary jáne joǵary oqý ornynan keıingi bilim berý uıymdarynyń bazasynda, ne bolmasa Ulttyq testileý ortalyǵy aıqyndaıtyn uıymdarda ótkiziledi. UBT-ǵa qatysýǵa ótinish (qaǵaz jáne elektrondyq formatta) Ulttyq testileý ortalyǵynyń www.testcenter.kz saıtynda onlaın rejımde qabyldanady», — delingen qujatta.

Mınıstrdiń buıryǵyna sáıkes, negizgi ózgerister múgedektigi bar mektep bitirýshilerdiń UBT-ǵa qatysý tártibine qatysty.

«Qaǵaz nemese elektrondyq formatta UBT-ǵa qatysý úshin múgedektigi bar balalar men múgedektigi bar tulǵalar (kórý, estý, tirek-qımyl apparaty qyzmetteriniń buzylýy bar) Eńbek jáne halyqty áleýmettik qorǵaý mınıstriniń 2023 jylǵy 29 maýsymdaǵy № 260 buıryǵymen bekitilgen «Medıınalyq-áleýmettik saraptama júrgizý qaǵıdalaryn bekitý týraly» (NQA memlekettik tirkeý tiziliminde № 32922 tirkelgen) buıryǵyna sáıkes múgedektik belgilengeni týraly qujatty UBT-ǵa ótinish berý baǵdarlamalyq qamtamasyz etý júıesine tirkeıdi. Sondaı-aq, kórý, tirek-qımyl apparaty qyzmetteriniń buzylýy bar múgedektigi bar balalar men tulǵalar úshin pán muǵalimi emes kómekshini jáne estý qabileti buzylǵan múgedektigi bar balalar men tulǵalar úshin ym tilin meńgergen mamandy usyný qajettigi týraly qosymsha málimet kórsetiledi», — delingen buıryqta.

Sondaı-aq qujatta kelesi máseleler atap ótiledi:

• Shetel tilin (aǵylshyn tilin) meńgerý deńgeıin jalpy eýropalyq shetel tilin meńgerý quzyretterine (standarttaryna) sáıkes rastaıtyn halyqaralyq sertıfıkattary bar tulǵalar óz qalaýy boıynsha aǵylshyn tili boıynsha beıindik pánnen nemese «Shetel tili» (aǵylshyn) arnaıy páninen bosatylady;
• TOEFL ITP, TOEFL IBT, IELTS sekildi aǵylshyn tilin meńgerý boıynsha halyqaralyq sertıfıkattary bar tulǵalar UBT-ǵa nemese konkýrsqa qatysý úshin ótinish bergen kezde sertıfıkat málimetterin kórsetýi tıis;
• SAT, ACT, IB, A-Level, TOEFL ITP, TOEFL IBT, IELTS sııaqty halyqaralyq standarttalǵan test sertıfıkattary bar tulǵalar UBT-ǵa ótinish berý derekter bazasyna málimetterdi engizip, sertıfıkat kóshirmesin júkteýi qajet.
• UBT-ǵa qatysýǵa ótinish bergen, alaıda testileýge qatyspaǵan talapkerlerge, test ótkizý kúnderi bos oryn bolǵan jaǵdaıda, sol kezeńniń ishinde bir kúnge testileýge qatysý múmkindigi beriledi.
• Bul múmkindik kelesi dáleldi sebepter bolǵan jaǵdaıda qarastyrylady:
• densaýlyǵyna baılanysty, testileý kúnimen sáıkes keletin № 026/ý nysanyndaǵy dárigerlik-konsýltaııalyq komıssııa qorytyndysy nemese ambýlatorııalyq kartadan úzindi jazba/aýrý tarıhynan anyqtama bolǵan jaǵdaıda;
• «Neke (erli-zaıyptylyq) jáne otbasy týraly» kodekstiń 1-baby 13) tarmaqshasynda kórsetilgen jaqyn týystarynyń qaıtys bolýyn rastaıtyn qujattar bolǵan jaǵdaıda;
• respýblıkalyq jáne halyqaralyq olımpıadalarǵa, ǵylymı jobalar baıqaýlaryna (ǵylymı jarystarǵa), oryndaýshylar baıqaýlaryna, kásibı sheberlik baıqaýlaryna jáne sporttyq jarystarǵa qatysqan jaǵdaıda (jańa norma);
• tótenshe jaǵdaılar bolǵanda.

Sonymen qatar:

• UBT qaǵaz formatynda tapsyratyn talapker qujattardy qosa tirkep, memlekettik komıssııa tóraǵasynyń atyna UBT-ny qaıta tapsyrýǵa ótinish beredi;
• UBT elektrondyq formatynda tapsyratyn talapker qujattardy qosa tirkep, Ulttyq testileý ortalyǵy dırektorynyń atyna UBT-ny qaıta tapsyrýǵa ótinish beredi.

Testileý kelesi merzimderde ótkiziledi:

10 qańtar — 10 aqpan aralyǵynda:

• jalpy orta bilim berý uıymdarynyń 11 (12)-synyp túlekteri úshin, qalaýy boıynsha joǵary oqý oryndaryna (JOO) aqyly negizde oqýǵa túsý maqsatynda;
• ótken jyldardaǵy jalpy orta, tehnıkalyq jáne kásiptik nemese orta bilimnen keıingi bilim berý uıymdarynyń túlekteri úshin, respýblıkalyq nemese jergilikti bıýdjet qarajaty esebinen bilim berý granttaryn taǵaıyndaý konkýrsyna qatysýǵa nemese aqyly negizde JOO-ǵa túsýge;
• shetelde bilim alǵan jalpy orta bilim berý uıymdarynyń túlekteri, sondaı-aq Qazaqstan Respýblıkasynyń azamaty emes, qazaq ultyna jatatyn tulǵalar úshin, bilim berý granttary konkýrsyna nemese aqyly negizde JOO-ǵa túsýge;
• JOO-ǵa kúndizgi oqý túri boıynsha aqyly negizde qabyldanǵan, alaıda UBT nátıjesi boıynsha shekti ball jınaı almaǵan, beıindik pánder kombınaııasy sáıkes kelmeıtin nemese UBT nátıjeleri joıylǵan tulǵalar úshin, sol kalendarlyq jyly aqyly negizde qaıta oqýǵa túsý úshin;
• shyǵarmashylyq daıarlyqty qajet etetin bilim berý baǵdarlamalary boıynsha oqıtyn jáne basqa bilim berý baǵdarlamalaryna aqyly negizde aýysqysy keletin JOO stýdentteri úshin;
• «Pedagogıkalyq ǵylymdar» bilim berý salasy boıynsha bilim berý baǵdarlamalaryna aqyly negizde aýysqysy keletin JOO stýdentteri úshin.

1 naýryz — 6 sáýir aralyǵynda (buryn — 1–31 naýryz):

• jalpy orta bilim berý uıymdarynyń 11 (12)-synyp túlekteri úshin, qalaýy boıynsha JOO-ǵa aqyly negizde túsý maqsatynda;
• ótken jyldardaǵy jalpy orta, tehnıkalyq jáne kásiptik nemese orta bilimnen keıingi bilim berý uıymdarynyń túlekteri úshin, bilim berý granttary konkýrsyna nemese aqyly negizde JOO-ǵa túsýge;
• shetelde bilim alǵan jalpy orta bilim berý uıymdarynyń túlekteri, sondaı-aq Qazaqstan Respýblıkasynyń azamattary bolyp tabylmaıtyn, qazaq ultyna jatatyn tulǵalar úshin, bilim berý granttary konkýrsyna nemese aqyly negizde JOO-ǵa túsýge;
• JOO-ǵa kúndizgi oqý túri boıynsha aqyly negizde qabyldanǵan, biraq UBT nátıjesi boıynsha shekti ball jınaı almaǵan, beıindik pánder kombınaııasy sáıkes kelmeıtin nemese UBT nátıjeleri joıylǵan tulǵalar úshin, qaıta oqýǵa túsý maqsatynda.

10 mamyr — 10 shilde aralyǵynda (buryn — 16 mamyr — 5 shilde):

• bıyl jalpy orta bilim berý uıymdarynyń túlekteri úshin respýblıkalyq nemese jergilikti bıýdjet qarajaty esebinen bilim berý grantyn taǵaıyndaý konkýrsyna qatysýǵa, aqyly negizde JOO-ǵa túsýge, nemese respýblıkalyq bıýdjet qarajaty esebinen memlekettik bilim berý tapsyrysy boıynsha oqýǵa (qalaýy boıynsha);
• ótken jyldardaǵy jalpy orta, tehnıkalyq jáne kásiptik nemese orta bilimnen keıingi bilim berý uıymdarynyń túlekteri úshin bilim berý grantyn taǵaıyndaý konkýrsyna qatysýǵa nemese aqyly negizde JOO-ǵa túsýge (qalaýy boıynsha);
• joǵary bilimniń qysqartylǵan oqý merzimderin kózdeıtin bilim berý baǵdarlamalary boıynsha oqýǵa túsetin tehnıkalyq jáne kásiptik nemese orta bilimnen keıingi bilim berý uıymdarynyń túlekteri úshin, bilim berý granty konkýrsyna qatysýǵa (qalaýy boıynsha);
• shetelde bilim alǵan orta bilim berý uıymdarynyń túlekteri men Qazaqstan Respýblıkasynyń azamattary bolyp tabylmaıtyn, qazaq ultyna jatatyn sheteldik tulǵalar úshin grant konkýrsyna nemese aqyly negizde JOO-ǵa túsýge (qalaýy boıynsha);
• JOO-ǵa kúndizgi oqý túri boıynsha aqyly negizde qabyldanǵan, shekti ball jınamaǵan, beıindik pánder kombınaııasy sáıkes kelmegen nemese UBT nátıjeleri joıylǵan tulǵalar úshin sol jyly aqyly túrde oqýǵa túsý maqsatynda.

Osy kezeńde tapsyrylǵan UBT nátıjeleri:

1. bilim berý grantyn taǵaıyndaý konkýrsyna qatysýǵa,
2. nemese aqyly negizde JOO-ǵa túsýge jaramdy dep esepteledi.

10 — 20 tamyz aralyǵynda:

• bıyl orta bilim berý uıymdarynyń túlekteri úshin bilim berý granty konkýrsyna, aqyly negizde JOO-ǵa túsýge nemese memlekettik bilim berý tapsyrysy boıynsha oqýǵa (qalaýy boıynsha);
• ótken jyldardaǵy orta, tehnıkalyq jáne kásiptik nemese orta bilimnen keıingi bilim berý uıymdarynyń túlekteri úshin grant konkýrsyna nemese aqyly negizde oqýǵa (qalaýy boıynsha);
• shetelde bilim alǵan túlekter men qazaq ultyna jatatyn, biraq QR azamaty bolyp emes tulǵalar úshin grant konkýrsyna nemese aqyly negizde JOO-ǵa túsýge (qalaýy boıynsha);
• aqyly negizde kúndizgi bólimge qabyldanǵan, biraq shekti ball jınamaǵan, beıindik pánderi sáıkes kelmeıtin nemese nátıjeleri joıylǵan talapkerler úshin qaıta túsý maqsatynda;
• shyǵarmashylyq daıyndyqty qajet etetin bilim berý baǵdarlamalary boıynsha oqıtyn jáne basqa baǵyttarǵa aýysqysy keletin, sondaı-aq «Pedagogıkalyq ǵylymdar» salasyna aýysqysy keletin stýdentter úshin (aqyly negizde).

«10 mamyr — 10 shilde aralyǵynda UBT tapsyratyn tulǵalar úshin beıindik pánderdi ózgertýge jol berilmeıdi», — delingen qujatta.

Elektrondyq formattaǵy UBT-ǵa onlaın ótinish qabyldaý merzimderi:

•  20 jeltoqsan — 30 jeltoqsan aralyǵynda — talapker bul kezeńde tek 1 ret ótinish beredi;
• 15 aqpan — 25 aqpan aralyǵynda — talapker bul kezeńde tek 1 ret ótinish beredi;
• 10 sáýir — 25 sáýir aralyǵynda — talapker bul kezeńde 2 retke deıin ótinish bere alady;
• 25 shilde — 5 tamyz aralyǵynda — talapker bul kezeńde tek 1 ret ótinish beredi.

«Onlaın rejımde UBT-ǵa ótinish berý kezinde talapker testileý pýnktin, testileý kúnin jáne ýaqytyn ózi tańdaıdy», — delingen jańa erejede.